ئاياللار ھامىلدار بولغاندىن كىيىن ئىنىق تۇنۇپ يىتىشكە تىگىشلىك بىر نوقتا، ھامىلدار ئايال بىلەن قوساقتىكى ھامىيلە ئوتتۇرسىدا ئۇچۇر ئالاقىسى بار بولىدۇ؛ ھامىيلىمۇ، ئانىسىنىڭ ئويلىغانلىرىنى ھىس قىلىپ يىتەلەيدۇ. شۇڭلاشقا، ئاياللار ئەگەر ھامىلدار مەزگىلىدە ھۇرۇنلۇق ياكى كەيپىياتى تۇراقلىق بولماسلىق قاتارلىق ناچار ئادەت ۋە قىلمىشلارنى ئىپادىلەپ چىقارسا، ئەمىلىيەتتە بۇ ھامىيلىگىمۇ يامان تەسىر ئېلىپ كىلىپ ئۇلارنى يۇقاملاندۇرىدۇ.
    ئەكسىچە، ئەگەر ئاياللار ھامىلدارلىق مەزگىلىدە ياخشى ئادەت ۋە قىلمىشلارنى ساقلىسا، ئۇنداقتا ھامىيلىمۇ ئەقىللىق ھەم ئوماق بولۇپ كىتىشى مۇمكىن. ئۇنداقتا ھامىلدار ئاياللار زادى قانداق قىلىشى كىرەك؟

ئۆزى قىزىقىدىغان مەزمۇنلارنى ئۆگىنىش
    ھامىلدار ئاياللار ئالدى بىلەن ئۆز ھەرىكىتى بىلەن ئۈلگە بولۇش رولىنى جارى قىلدۇرۇپ، ھامىلدارلىق مەزگىلىدە ئۆزى قىزىقىدىغان مەزمۇنلارنى كۆپرەك ئۆگىنىشى كىرەك؛ ئۆزىنىڭ ئويلىغانلىرى ۋە كۆرگەنلىرىنى ھامىيلە بىلەن كۆپرەك پىكىرلىشىپ بىرىشى لازىم. بۇ خىل ئالاقە، بوۋاقنىڭ مىڭىسىنىڭ ئۆزلۈكسىز تۈردە غىدىقلاشقا ئۇچرىشىنى شەكىللەندۈرۈپ، چوڭ مىڭە نىرۋىلىرى ۋە ھۈجەيرىلىرىنىڭ يىتىلىشىنى ئىلگىرى سۈرىدۇ.

ئاپتاپقا قاقلىنىش
    ئىلمى تەتقىقاتلاردا كۆرسىتىلىشىچە، ئاياللارنىڭ ھامىلارلىق مەزگىلىدە ئاپتاپقا قاقلىنىشى يىتەرلىك بولمىسا، ئۇلارنىڭ بەدىنىدىكى ۋىيتامىن D مىقدارىنىڭ كەمچىل بولۇپ قېلىشىنى كەلتۈرۈپ چىقرىدىغان بولۇپ، بۇنىڭدا ھامىيلىنىڭ چوڭ مىڭىسىگە تەسىر يىتىدۇ. ئەمىلىيەتتە، بوۋاقلار تۇغۇلۇشتىن ئىلگىرى ۋە تۇغۇلۇشتىن كىيىن، ھەر ئىككى مەزگىلدە قۇياش نۇرىدا ئاپتاپقا قاقلىنىشقا ئىھتىياجلىق بولىدۇ.

ھامىلدار ئاياللاردا يۇد كەمچىل بولسا، ھامىيلىنىڭ يىتىلىشىگە تەسىر كۆرسىتىدۇ
    نۇرغۇن ئاياللار ھامىلدار بولغاندىن كىيىن، بولۇپمۇ ئۈچ ئايلىق بولغان ئەتراپتا، ئۇلارنىڭ يىمەك-ئىچمىكىدە زىسەي قاتارلىق يۇد تەركىبى مول بولغان يىمەكلىكلەر كۆپىيىدۇ، چۈنكى بۇ يىمەكلىكلەر، ھامىلدار ئايال بەدىنىگە يۇد ماددىسى تۇلۇقلاش رولىنى ئوينايدۇ.
    ئۇنداقتا، ھامىلدار مەزگىلىدە نىمە ئۈچۈن يۇد ماددىسى تۇلۇقلاش لازىم بولىدۇ؟ چۈنكى، ھامىيلە يىتىلىش جەريانىدا، تىروكسىن دەپ ئاتىلىدىغان بىر نەرسىگە ئىھتىياجلىق بولىدۇ. ئەگەر بوۋاق ئانسىنىڭ قورسىقىدىكى ۋاقتىدا تىروكسىن كەمچىل بولسا، بۇ بوۋاقنىڭ مىڭىسىنىڭ يىتىلىشىگە بىۋاستە تەسىر كۆرسىتىدىغان بولۇپ، بوۋاق تۇغۇلما ئەقلى ئىقتىدارى تۆۋەن ياكى جۇغى كىچىك تۇغۇلۇپ قېلىشى مۇمكىن. شۇڭا، ھامىلدار ئاياللار قورسىقىدىكى بالىسىنىڭ سالامەتلىكى ئۈچۈن، يۇد ماددىسى تۇلۇقلاپ بىرىشكە دىققەت قىلىشى كىرەك.