تۈنۈگۈن بالامنى ئېلىش ئۈچۈن مەكتەپ ئالدىدا ساقلاپ تۇرۋىتىپ، ئىككى موماينىڭ كىلىنىدىن قاقشاۋاتقانلىقىنى ئاڭلاپ قالدىم. ئۇلارنىڭ پارىڭىزنىڭ تېمىسى كىلىنىنىڭ خىزمەت قىلىشنى خالىماسلىقى بولۇپ، بىرسى ئاچچىقلىنىپ، "پۇت قولى ساق تۇرۇپ، بالا مەكتەپكە بارغاندىن كىيىنمۇ خىزمەت قىلىشقا ئۇنىمايۋاتىدۇ، بەك ئاچچىقىمنى كەلتۈرۋەتتى" دەۋاتاتتى؛ يەنە بىر موماي بولسا، ئۆزىنىڭ كىلىنىنىڭ كۈن بويى ئۆيدە ھېچ ئىش قىلمايدىغانلىقى، ئىشلىگىلىمۇ بارمايدىغانلىقىنى، ھەتتا بەزىدە بالىنى ئالغىلىمۇ كەلمەيدىغانلىقىنى سۆزلەپ قاقشاپ برىۋاتاتتى.

     ئۇنداقتا، بەزى ئاياللار زادى نىمە ئۈچۈن بالىسى مەكتەپكە بېرىپ بولغاندىن كىيىنمۇ يەنىلا ئۆيدە ئولتۇرۋىلىپ، خىزمەت قىلىشنى خالىمايدۇ؟
1. ئۇزۇن مەزگىل ئىشقا بارماي ئائىلىدە بولغانلىق سەۋەبىدىن، جەمئىيەتتىن ئايرىلىپ قالغان.
    بەزى ئاياللار بەلكىم ئىلگىرى ئىنتايىن قالتىس ھەم ئىقتىدارلىق بولۇشى مۇمكىن؛ ئەمما ئۇلار ئىشلىمەي ئۆيدە بالىغا قاراۋاتقىلى تۆت-بەش يىل بولغان بولغاچقا، ئۇلار جەمئىيەتتىكى خىزمەتلەرگە قارىتا چۈشەنچىسى يوق ياكى ئاجىز بولغان، جەمئىيەتتىن ئايرىلىپ قېلىش ھالىتىگە كىلىپ قالىدۇ. بۇنداق ۋاقىتتا، ئۇ قايتا ئىشقا بارغان بىلەنمۇ، بەزىبىر ئادەتتىكى كاتىباتلىق خىزمەتلىرىنى قىلغاندىن باشقا ئىشلارنىڭ ھۆددىسىدىن چىقالىشى ناتايىن بولىدۇ.
   تۆت-بەش يىل ۋاقىت، بىر ئادەمدە ئۆزگىرىش ھاسىل قىلىشقا يىتەرلىك بولۇپ، ئىشقا بارماي ئۆيدە بولغان ئادەمنى دىمەي تۇرايلى، خىزمەتتىن قېپقالمىغان كىشىلەرمۇ ئەگەر ھەرۋاقىت تىرىشچانلىق كۆرسىتىپ تۇرمىسا، ھازىرقى خىزمەت رېتىمىغا يىتىشەلمەيدۇ. ئۇنىڭدىن باشقا، ئۆي ئىشلىرى، بالىغا قاراش دىگەندەك ئىشلار تۈپەيلىدىن، ئۇلار كۆڭۈل قويۇپ خىزمەت قىلىشقىمۇ ئامالسىز قالىدۇ. شۇنىڭ ئۈچۈن، مەيلى ئۇلارنى باھانە سەۋەپ كۆرسەتتى دەيلى ياكى ھۇرۇنلۇق قىلىدى دەيلى، ئەمىلىيەتتە ئۇلارنىڭ ياخشىراق بىر خىزمەتكە ئىرىشىشى ھەقىقەتەن ئاسانغا توختىمايدۇ؛ ئۇلار بەلكىم باشقىلارغا قارىغاندا تېخىمۇ كۆپ بەدەل تۆلىشى مۇمكىن.

2. بالىنىڭ ھالىدىن خەۋەر ئېلىش قولايسىز بولۇپ قالىدۇ.
    سىز بەلكىم بالىلار مەكتەپكە كىرگەندىن كىيىن، ئانىسى ئازادىلىككە چىقىپ قالىدۇ، ھەتتا قىلغىلى ئىش قالمايدۇ، شۇڭا خىزمەت تېپىپ ئىشلىشى كىرەك دەپ ئويلىشىڭىز مۇمكىن. بىراق بالىنىڭ مەكتەپكە بېرىش، مەكتەپتىن قايتىش ۋاقتى بىلەن چوڭلارنىڭ ئىش ۋاقتى قەتئى ماسلاشمايدىغان بولۇپ، ھەر ئىككى تەرەپكە تەڭ قاراشقا ئامال يوق بولۇپ قالىدۇ. بالىلارنى ئادەتتە چۈشتىن بۇرۇن 11:30دە، چۈشتىن كىيىن 4:30دە مەكتەپتىن قويۇۋىتىدۇ، سىزنىڭچە بۇ ۋاقىتتا سىزنىڭ مەكتەپكە بالىنى ئېلىشقا بارىدىغان ۋاقتىڭىز چىقارمۇ؟ ئەگەر سىزنىڭ خىزمىتىڭىز ۋاقىت ئەركىنلىكى ئىنتايىن يۇقىرى بولغان خىزمەت بولمىسىلا، ئادەتتىكى خىزمەت جەريانىدا، بۇ ۋاقىت مەزگىلىدە بالىنى ئېلىپ كىلىدىغان ۋاقتىڭىز بولمايدۇ.

3. ئەنئەنىۋى كۆز قاراشنىڭ چەكلىمىسى
    يەنە بەزى ئاياللارنىڭ ئىدىيىسى نىسبەتەن ئەنئەنىۋى، قالاق كىلىدۇ؛ ئۇلارنىڭ قارىشىدا، ياخشى بىر ئايال كىشى ئۆيىدە بالىسىنى بېقىپ ئىرىنى كۈتۈپ ئولتۇرۇشى كىرەك دەپ قارايدۇ؛ ئۇلار ئىرىمنى ياخشى كۈتۈپ، بالامغا ياخشى قاراش، ئاندىن مەن قىلىشقا تىگىشلىك خىزمەت دەپ بىلىدۇ. شۇڭلاشقا ئۇلار قېيىنائانىسىنىڭ ھۇرۇن دىگەن ئەيىبلەشلىرىنى ئاڭلىسىمۇ، يەنىلا چىقىپ ئىشلەشنى خالىمايدۇ؛ ئۇلار جاپادىن قورققانلىقى ئۈچۈن ئەمەس بەلكى ئۆزىنىڭ سوبىكتىپ قارىشىنىڭ تەسىرى تۈپەيلىدىن چىقىپ ئىشلەشنى خالىمايدۇ.