ھامىلدارلىق مەزگىلىدە، ھامىلدار ئايالىڭ بەدىنىدىكى ھورمۇن سەۋيىسىدە ئۆزگىرىش كۆرۈلىدۇ؛ ئۇنىڭ ئۈستىگە ھەر بىر ئادەمنىڭ بەدەن سۈپىتى ئوخشاش بولمىغاچقا، ھامىلدارلىق مەزگىلىدە، ئوخشىمىغان ئادەمدە ئوخشاش بولمىغان ھامىلدارلىق ئىنكاسلىرى كۆرۈلىدۇ. ئادەتتە ھامىلدارلىق مەزگىلىدىكى ئاياللاردا، تۆۋەندىكىدەك ئادەمنى ئوڭايسىزلاندۇرۇپ قويىدىغان ئەھۋاللار كۆپ ئۇچرايدىغان بولۇپ، بولۇپمۇ ئاممىۋى سورۇنلاردا ئۇلارنى ئوسال ئەھۋالغا چۈشۈرۈپ قويىشى مۇمكىن. بىراق، بۇ ئەھۋاللار ئەمىلىيەتتە ياخشى بىشارەت بولۇپ، قورساقتىكى بالىنىڭ ساغلام ھالەتتە يىتىلىۋاتقانلىقىنى بىلدۈرىدۇ.

1. كىچىك تەرەت تېمىپ بىرىش
    ھامىلدارلىق مەزگىلىدە، ھامىيلە ھەر ۋاقىت دىگۈدەك ئۆسۈپ يىتىلىش جەريانىدا تۇرۋاتقان بولغاچقا، ھامىلدار ئايالنىڭ قورسىقى، جۈملىدىن ھامىلدار ئايالنىڭ بالىياتقۇسى تەدرىجى ھالدا يوغىناپ، ھامىلدار ئايالنىڭ دوۋسىقىنى باسىدۇ ھەم دەل بۇ سەۋەپلىك، ھامىلدار ئاياللاردا سۈيدۈك قېتىم سانى كۆپ بولىدىغان، سۈيدۈك تۇتالماي تېمىپ بىرىدىغان ئەھۋاللار كۆرىلىدۇ. بۇنداق ئەھۋاللار گەرچە ھامىلدار ئاياللارنى ئوسال ئەھۋالغا چۈشۈرۈپ قويسىمۇ، بىراق بۇ ھامىيلىنىڭ كىيىنچە ئوڭۇشلۇق ھالدا ئانىنىڭ داس سۆڭىكىگە كىرىشى ئۈچۈن قىلىنغان تەييارلىق، يەنى بالىنىڭ ئوڭۇشلۇق تۇغۇلۇشى ئۈچۈن قىلىنغان تەييارلىقتۇر. بىرلا ۋاقىتتا، بۇ ھەم قوساقتىكى بالىنىڭ ساغلام ئۆسۈپ يىتىلىۋاتقانلىقىنىڭ ئالامىتىدۇر.

2. قەۋزىيەت
    ھامىلدارلىق مەزگىلىدە، بەدەندىكى ھورمۇنلار سەۋيىسىدە ئۆزگىرىش كۆرۈلىدىغان بولغاچقا، بۇ سەۋەبلىك ھامىلدار ئايالنىڭ ئاشقازان-ئۈچەيلىرى تەسىرگە ئۇچراپ، ئاشقازان-ئۈچەينىڭ قىمىرلىشىنىڭ ئاستىلاپ كىتىشىنى كەلتۈرۈپ چىقىرىدۇ، شۇنىڭ ئۈچۈن ھامىلدارلىق مەزگىلىدىكى ئاياللاردا قەۋزىيەت كۆرىلىدۇ. بۇنداق ئەھۋالدا، ئەگەر ئاممىۋى سورۇنلاردا ھاجەتخانىنى ئۇزۇن مەزگىل ئىگەللىۋالغاندا، باشقىلارنىڭ نارازىلىقىنى قوزغاپ ئوسال ئەھۋالغا قالىدىغان ئەھۋال كۆرۈلۈشى مۇمكىن. بىراق ھامىلدار ئاياللار بۇنىڭدىن قايغۇرۇپ كەتمىسىمۇ بولىدۇ؛ چۈنكى، بۇ ئەھۋال قوساقتىكى ھامىيلىنىڭ نورمال ئۆسۈپ-يىتىلىۋاتقانلىقىنىڭ يەنە بىر ئالامىتى.

3. ئېغىزى پۇراش
    ھامىلدار ئاياللاردا، قورسىقىغا تۆت ئايلىق بولغان مەزگىللەردە ئېغىزى پۇراش ئەھۋالى كۆرۈلۈشى مۇمكىن. بۇنداق ئەھۋال ئادەتتە ئەتىگىنى بىر قەدەر ئېغىرراق بولۇپ، بۇنداق ئەھۋال، ھامىلدار ئايالدا قەۋزىيەت كۆرۈلگەنلىكتىن، بەدەندىكى زور مىقداردىكى زەھەرلىك ماددىلار ۋاقتىدا بەدەن سىرتىغا چىقىرۋىتىلەلمەي، ئېغىزىمىزدىكى سېسىق پۇراقلار ئارقىلىق تارقىلىپ چىقىدۇ.