بالىلىق بولغان ئىكەنسىز، بالا تەربىيەلەش يولىدا بارغانسىرى "كەسىپى ماھارىتى" يۇقىرى بولغان نىشانغا قاراپ تەرەققى قىلىشقا تىرىشىشىڭىز ھەمدە مەسىلىلەر بايقالغاندا، ۋاقتىدا تۈزىتىش ئېلىپ بېرىشىڭىز كىرەك. بۈگۈن كۆپچىلىكنىڭ دىققىتىگە، بوۋاقلارنىڭ زاكا ئىشتىنىنى ئالماشتۇرغان ۋاقىتتىكى خاتا ئۇسۇللارنى تۇنۇشتۇرۇپ ئۆتىمىز.
1. بوۋاقنىڭ پۇتلىرىنى بەك ئېگىز كۆتۈرۋىلىش
    بەزى ئاتا-ئانىلار زاكا ئالماشتۇرغاندا، بوۋاقنىڭ پۇتلىرىنى بەك ئېگىز كۆتۈرۋىلىپ، بوۋاقنىڭ دۈمبە قىسمىمى كۆتۈرلۈپ كىتىدۇ؛ ئەگەر بۇنداق ھالەت داۋاملىشىۋەرسە، بوۋاقنىڭ ئۇمۇرتقىسى زەخمىگە ئۇچرايدۇ.

2. قولىدا بوۋاقنىڭ تاپىنىنى تۇتۇش
     بالىڭىزغا زاكا ئالماشتۇرغاندا، ئۇ بۇنداق قىلىشنى خالىمىغاندەك پۇتلىرىنى تېپىپ، جىم تۇرمايدىغان ھالەتكە يولۇقۇپ باققانمۇ؟ ئەمىلىيەتتە بۇ، ئاتا-ئانىلارنىڭ بالىلارنىڭ تاپىنى دىگەندەك سەزگۈر قىسىملىرىغا تىگىپ بىرىپ، ئۇلارنىڭ تۇغۇلما رىفلىكىسى—قەدەم تېپىش رىفلىكىسىنى قوزغاپ قويغانلىق سەۋەبىدىن بولۇپ، بالىلاردا پۇتلىرىنى تېپىپ جىم تۇرمايدىغان ئەھۋاللار كىلىپ چىقىدۇ.

3. زاكا ھۆل بولۇپ قالغان بولسا، بوۋاقنىڭ پەللىكىنى ھۆل قەغەزدە سۈرتۈش
    ئەگەر بوۋاقنىڭ پەللىكى قىزىرىپ قالغان بولسا، يەنە ھۆل قەزغەز ياكى تازىلىق قەغىزىدە سۈرتسەك بولمايدۇ. ئەگەر بالىلارنىڭ پەللەك قىسمىنى يۇيۇشقا توغرا كەلسە، بىۋاستە سۇدا يۇيۇپ پاكىزلىغاندىن كىيىن يۇمشاق پاختىلىق لاتىدا سۈرتۈپ، بوۋاقنىڭ پەللەك قىسمىنى قۇرۇقداش لازىم.

4. ھەرىكىتى يىنىك بولماي بالىنى قورقۇتۇپ يىغلىتىش
    مۇۋەپپىقىيەتلىك ھالدا زاكىنى ئالماشتۇرۇپ بولغاندىن كىيىن، بەزى ئاتا-ئانىلار مۇۋەپپىقىيەت تۇيغۇسى ئاستىدا ھاياجانلىنىپ كىتىپ، بوۋىقىنى يەرگە قاتتىقاراق قويۇپ سالىدۇ؛ بۇنىڭدا بالىلاردا قورقۇش رىفلىكىسى قوزغىلىپ، قورقۇپ يىغلاپ تاشلايدۇ. ئۇنىڭ ئۈستىگە بۇنداق ئەھۋال بىر نەچچە قېتىم داۋاملاشسا، بوۋاقلاردا زاكا ئالماشتۇرۇشقا قارشىلىق كۆرسىتىش تۇنۇشى پەيدا بولۇپ قالىدۇ.

5. زاكىنى ئالماشتۇرۇپ تۇرىشىغا يەنە تەرەت قىلىش
    ئاتا-ئانىلار بالىنىڭ زاكىسىنى ئالماشتۇرۇشتىن ئاۋال، ئۇلارنىڭ ماس ئەزالىرىنى غىدىقلاپ، چالا قالغان سۈيدۈكنى سىيىپ چىقىرىشىنى ئىلگىرى سۈرۈشكە ياردەملىشىشى كىرەك. بۇنىڭدا، زاكىنى ئەمدى ئالماشتۇرۇپ بولۇشىڭىزغا، بالا يەنە تەرەت قىلىپ، ئاۋارىچىلىق كەلتۈرۈشتىن ساقلىنالايسىز.