ئادەتتە، مەيلى ھامىلدار بولۇش بولسۇن ياكى تۇغۇش بولسۇن، ئاياللار ئۇچرايدىغان جاپا-مۇشەققەت ئىنتايىن زور بولىدۇ. ئەگەر ھامىلدار بولغان مەزگىل مۇۋاپىق بولمىسا، ھامىلدار ئاياللارغا بولغان جاپا تېخىمۇ ئېغىرلىشىدۇ؛ ئەمما ھامىلدار بولۇش مەزگىلى مۇۋاپىق بولسا، ئەكسىچە، ھامىلدار ئاياللار ئۇچرايدىغان جاپا كۆپ ئازلايدۇ. ئۇنداقتا، بىر يىل ئىچىدە زادى قايسى ۋاقىتتا ھامىلدار بولسا ئەڭ مۇۋاپىق بولىدۇ؟

    بىر يىل ئىچىدە 12 ئاي بار؛ ئەمما ھەممىلا ئاي ھامىلدار بولۇشقا ماس كىلىۋەرمەيدۇ. بەزى مۇتەخەسسىسلەرنىڭ بەرگەن تەكلىپى ۋە نۇرغۇنلىغان ئانىلارنىڭ تەجىربىسىگە ئاساسلانغاندا، بىر يىل ئىچىدىكى ھامىلدار بولۇشقا ئەڭ مۇۋاپىق كىلىدىغان مەزگىل، 9-7-ئاي مەزگىللىرىدۇر. چۈنكى بۇ مەزگىلدە مۇۋەپپىقىيەتلىك ھالدا ھامىلدار بولالىسا، دەسلەپكى سىزىك پەيدا بولغان ۋاقىتتا، ئاللىقاچان كۈز پەسلى يىتىپ كەلگەن بولىدۇ؛ بۇ ۋاقىتتا ھەر خىل مىۋە-كۆكتاتلار پىشىپ تەييار بولىدىغان بولۇپ، ھامىلدار ئاياللارنىڭ سىزىكتىن چىقىشىغا پايدىلىق بولىدۇ.

    تېخىمۇ مۇھىم بولغىنى، بۇ مەزگىلدە ھامىلدار بولسا، ئۇنداقتا تۇغۇش ۋاقتى كىيىنكى يىلىنىڭ 6-4-ئايلىرىغا توغرا كىلىدىغان بولۇپ، بۇ دەل باھارنىڭ ئاخىرى يازنىڭ بېشى بولغان مەزگىللەرگە توغرا كىلىدۇ. بۇ مەزگىلدە ھاۋا كىلىمات بەك ئىسسىقمۇ ئەمەس ھەم بەك سۇغۇقمۇ ئەمەس بولۇپ، ھاۋادىكى كىسەللىك ۋىرۇسلىرىمۇ ئۇنچە بەك كۆپ بولمايدۇ؛ بۇنىڭ مەيلى يىڭى تۇغۇلغان بوۋاققا بولسۇن ياكى ئانىنىڭ تۇغۇتتىن كىيىنكى ئەسلىگە كىلىشىگە بولسۇن، پايدىسى ئىنتايىن زور. شۇنىڭ ئۈچۈن، ئەر-خوتۇنلار ھامىلدار بولۇشقا تەييارلىق كۆرگەندە، ئەڭ ياخشىسى ۋاقىتنى ھىسابلاپ، يۇقىردا تىلغا ئېلىنغان مەزگىلدە ھامىلدار بولۇشنى قولغا كەلتۈرۈشكە تىرىشىشى كىرەك.