ئۆرۈك، تۇرمۇشتىكى كۆپ ئۇچرايدىغان پەسىللىك مىۋىلەرنىڭ بىرى بولۇپ، دۇنيانىڭ ھەر قايسى جايلىرىدا يېتىشتۈرۈلىدۇ. ئۆرۈكنىڭ ئۇزۇقلۇق قىممىتى ئىنتايىن يۇقىرى بولۇپ، تەركىبىدە شېكەر، ئاقسىل ۋە مېنرالنى ماددىلار بىر قەدەر مول.
   خەنزۇچە ئاتىلىشى: 杏
   لاتىنچە ئاتىلىشى: Armeniaca vulgaris Lam.
   تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—قوش پەللىلىك ئۆسۈملۈكلەر سىنىپى—ئەتىرگۈل ئەترىتى—ئەتىرگۈل ئائىلىسى—ئۆرۈك ئۇرۇقدىشى
   نام بەرگۈچى: Lam

ئۇزۇقلۇق تەركىبى
   ھەر 100 گىرام ئۆرۈك تەركىبىدە، تەخمىنەن 38 كىلوكالورىيە ئېنېرگىيە، 0.9 گىرام ئاقسىل، 0.1 گىرام ياغ، 9.1 گىرام كاربون سۇ بىرىكمىلىرى، 1.3 گىرام سۇدا ئىرىمەس تالا ماددىسى، 2 مىللىگىرام ناترىي، 11 مىللىگىرام ماگنىي، 15 مىللىگىرام فوسفور، 226 مىللىگىرام كالىي، 14 مىللىگىرام كالتسىي، 0.06 مىللىگىرام مانگان، 0.6 مىللىگىرام تۆمۈر، 0.11 مىللىگىرام مىس، 0.2 مىللىگىرام سىنىك، 0.2 مىكروگىرام سېلىن، 75 مىكروگىرام ۋىتامىن A، 0.02 مىللىگىرام ۋىتامىن B1، 0.03 مىللىگىرام ۋىتامىن B2، 0.6 مىللىگىرام نىكوتىنىك كىسلاتا، 4 مىللىگىرام ۋىتامىن C، 0.95 مىللىگىرام ۋىتامىن E بار.