لىمون، جۈپ پەللىلىك ئۆسۈملۈكلەر سىنىپى سۇزاپ ئائىلىسىدىكى ئۆسۈملۈكنىڭ مىۋىسى بولۇپ، دۆلىتىمىزدە ئاساسلىقى چاڭجىياڭ دەرياسىنىڭ جەنۇبى قىسىملىرىدا ئۆستۈرۈلىدۇ، ئاساسلىق ئۆستۈرۈلىدىغان جايلار بولسا، ئامېرىكا، ئىتالىيە، ئىسپانىيە ۋە گىرىتسىيە قاتارلىق دۆلەتلەردۇر.
   خەنزۇچە ئاتىلىشى: 柠檬
   لاتىنچە ئاتىلىشى: Citrus limon (L.) Burm.f.
   تەۋەلىكى: ئۆسۈملۈكلەر دۇنياسى—يېپىق ئۇرۇقلۇق ئۆسۈملۈكلەر تىپى—قوش پەللىلىك ئۆسۈملۈكلەر سىنىپى—سۇزاپ ئەترىتى—سۇزاپ ئائىلىسى—ئاپېلىسىن ئۇرۇقدېشى
   نام بەرگۈچى: (L.) Burm.f.
   نام بىرىلگەن ۋاقىت: 1768-يىلى

ئۇزۇقلۇق قىممىتى
   لىمون تەركىبىدە ۋىتامىن C، ساخارىد تۈرى، كالتسىي، فوسفور، تۆمۈر، ۋىتامىن B1، ۋىتامىن B2، نىكوتىنىك كىسلاتا، لىمون كىسلاتا، ئالما كىسلاتا، ۋە زور مىقداردىكى كالىي، ناترىي قاتارلىقلار بار بولۇپ، ئادەم بەدىنىگە ئىنتايىن پايدىلىق.
ئىستېمال قىممىتى
   لىموننىڭ ئىسسىقنى ياندۇرۇپ ئىشتىھانى ئېچىش، يۈرەك قان تومۇر كېسەللىكلىرىنىڭ ئالدىنى ئېلىش، باكتىرىيە-ۋىرۇسلارغا قارشى تۇرۇپ ياللۇغ يوقىتىش، قېرىشنى ئاستىلىتىپ رەڭ چۆكمە ماددىسىنى چەكلەش قاتارلىق روللىرى بار.
ئىستېمالدا دىققەت قىلىشقا تىگىشلىك ئىشلار
   لىموننى دېڭىز مەھسۇلاتلىرى ۋە سەۋزە بىلەن بىللە ئىستېمال قىلىشقا بولمايدۇ. بۇندىن باشقا، لىموننى كالا سۈتى بىلەن بىرگە ئىستېمال قىلغاندا، ئاشقازان ۋە ئۈچەينىڭ ھەزىم قىلىشىغا تەسىر كۆرسىتىدۇ.