كۆزنى يۇمۇپ ئاچقۇچە باھا يىتىپ كەلدى، بۇنىڭ بىلەن بىرگە قوشۇلۇپ، يەنە بىر باش قېتىنچىلىقىمۇ بىللە كەلدى. قىش كۈنلىرى قېلىن كىيىملەرنى كىيىۋالغان بولغاچقا، شۇڭا ئازراق سېمىرىپ قالساقمۇ كۆپ بىلىنىپ كەتمەيتتى، لېكىن ئەتىيازدا ئۇنداق بولمايدۇ؛ بەدەن ئېغىرلىقىمىزنى كونترول قىلىشقا دىققەت قىلمىساق، سېمىرىپ قالساق يۇشۇرىمەن دەپمۇ يۇشۇرۇپ بولغىلى بولمايدۇ. لېكىن بەك ئەنسىرەپمۇ كەتمەڭ، تۆۋەندە تونۇشتۇرماقچى بولغان كۆكتات، بەدەندىكى مايلارنىڭ تەبىئى دۈشمىنى بولۇپ، ھەپتىدە ئىككى قېتىم يەپ بەرسىڭىز، سەمىرىمەن دەپمۇ سەمىرەلمەيسىز.
 

   كىتەرلىك ماتېرىيال: بىنەپشە كاپوستا(紫甘蓝)، ئىنچىكە پىنتوزا، تۇز، ۋېيجىڭ، ئاق شېكەر، كۈنجۈت مېيى، ئاچچىقسۇ، سامساق، يۇمغاقسۈت، ئاق كۈنجۈت
تەييارلاش ئۇسۇلى
   بىنەپشە كاپوستىنى قەلەمچە قىلىپ توغرايمىز.

   ئۈستىگە تۇز سېپىپ، 15 مىنۇت قويۇپ تۇزلايمىز.

   پىنتوزىنى قايناقسۇغا چىلاپ پىشۇرىمىز.

   بىنەپشە كاپوستىدىن سىزىپ چىققان سۇنى تۆكۈۋەتكەندىن كېيىن، ئۈستىگە پىنتوزىنى قوشىمىز.

   ۋىيجىڭ، ئاق شىكەر، كۈنجۈت مېيى، ئاچچىقسۇ، سامساق چانالمىسى قاتارلىقلارنى قوشۇپ تەڭشى ئارىلاشتۇرغاندىن كېيىن، تەخسىگە ئۇسۇپ ئېلىپ، ئۈستىگە ئازراق يۇمغاقسۈت چانالمىسى ۋە ئاق كۈنجۈت سېپىۋىتىپ ئىستېمال قىلساق بولىدۇ.

دوستانە تەكلىپ
   1. بىنەپشە كاپوستىنى قەلەمچە قىلىپ توغرىۋالغاندىن كېيىن تۇزلاش كېرەك، بۇنىڭدا كاپوستىنىڭ شەكلى مۇقىملىشىپ، تېخىمۇ تەملىك بولىدۇ؛ بۇندىن باشقا، كاپوستىنى ئىمكان بار قايناقسۇغا چىلىماسلىق لازىم، بولمىسا يۇمشاپ شەكلى كۈرۈمسىز بولۇپ قالىدۇ، تەمىمۇ ياخشى بولمايدۇ.
   2. پىنتوزىنى چىلىغان ۋاقىتنى كونترول قىلىش كېرەك. چىلىغان ۋاقىت قىسقا بولۇپ قالسا خام قالىدۇ، ئەمما بەك ئۇزۇن چىلىۋەتسەك، بىر-بىرىگە چاپلىشىپ، كۆرۈمسىز چىقىپ قېلىش بىلەن بىرگە تەمىگىمۇ تەسىر يېتىدۇ.
   3. تەملەشتۈرۈشتىن ئاۋۋال، بىنەپشە كاپوستا بىلەن پىنتوزىنىڭ سۈيىنى پاكىزە تۆكۈۋىتىش كېرەك؛ بولمىسا تەملەشتۈرگەندىن كېيىنكى تەمى سۇس بولۇپ قالىدۇ.
   4. تەملەشتۈرىدىغان قىيامنى تەڭشىگەندە، خۇرۇچ ماتېرىياللىرىنى ئۆزىمىزنىڭ تەم خاھىشىغا ئاساسەن كونترول قىلساق بولىدۇ: چۈچۈمەل تەمنى ياخشى كۆرىدىغانلار ئاچچىقسۇنى كۆپرەك قوشساق، ئاچچىق تەمنى ياخشى كۆرىدىغانلار مۇچنى كۆپرەك قوشساق بولىدۇ.