تەرخەمەكنى ھەم خام پېتى يىگىلى بولىدۇ ھەم پىشۇرۇپمۇ يىگىلى بولىدۇ، ئۇنىڭ يەنە چىراي گۈزەللەشتۈرۈش ئۈنۈمى بار، ئۇزۇقلۇق تەركىبىمۇ مول. شۇڭا بۈگۈن كۆپچىلىكنىڭ دىققىتىگە، تەرخەمەكتىن سوغۇق سەي تەييارلاش ئۇسۇلىنى تونۇشتۇرۇپ ئۆتىمىز.

   كىتەرلىك ماتېرىيال: تەرخەمەك، يۇمغاقسۈت، سامساق، زەنجىۋىل، شىڭچوۋ جىياڭيۇسى، كۈنجۈت مېيى، كاۋاۋىچىن مېيى، ئاچچىقسۇ، قىزىلمۇچ مېيى، ئاق شىكەر، تۇز

تەييارلاش ئۇسۇلى
   بىرىنچى قەدەمدە، تەرخەمەكنى يۇيۇپ پاكىزلىغاندىن كېيىن، سىرتقى پوستىنى سويىۋىتىمىز؛ كەينىدىن تۆتكە بۆلۈپ پارچىلاپ، ئۇرۇغىنى ئېلىۋىتىمىز.

   ئىككىنچى قەدەمدە، تەرخەمەكنى ئۈچ بۇرجەك ھالەتتە توغراپ، چوڭراق بىر قاچىغا سالىمىز؛ ئۈستىگە ئۇششاق چاناپ توغرالغان سامساق، زەنجىۋىل، بىر قوشۇق تۇز قوشۇپ تەكشى ئارىلاشتۇرغاندىن كېيىن ئون مىنۇت قويۇپ قويىمىز.

   ئۈچىنچى قەدەمدە، يۇمغاقسۈتنى ئۇششاق تۇغرايمىز.
   تۆتىنچى قەدەمدە، ئالدىدا تۇزلاپ تەييارلىغان تەرخەمەكنىڭ چىققان سۈيىنىڭ ئاز-كۆپلۈكىگە قاراپ، بەك كۆپ چىققان بولسا، بىر قىسىمىنى تۆكۈۋىتىمىز. ئۈستىگە يۇمغاقسۈتنى قوشۇپ، مۇۋاپىق مىقداردا شىڭچوۋ جىياڭيۇسى، ئاچچىقسۇ، كۈنجۈت مېيى، كاۋاۋىچىن مېيى ۋە ئاق شىكەر قوشىمىز.