كىشىلەر ئارىسىدا، "يازدا زەنجىۋىل قىشتا تۇرۇپ" دېگەن گەپ بار؛ ھازىر تۇرۇپ يىيىشتىكى ئەڭ ياخشى مەزگىل بولۇپ، قىرو چۈشۈشكە باشلىغاندىن كېيىنكى تۇرۇپ ئالاھىدە تاتلىق ھەم بەدەنگە پايدا قىلىدىغان كېلىدۇ. بۈگۈن كۆپچىلىكنىڭ دىققىتىگە، تۇرۇپنىڭ ئالاھىدە بىر خىل تەملەشتۈرۈش ئۇسۇلىنى—ئاچچىق ئارىلاشتۇرۇلغان تۇرۇپ تەييارلاش ئۇسۇلىنى تونۇشتۇرۇپ ئۆتىمىز.
    تۇرۇپنىڭ تەبىئىتى سوغۇق بولۇپ، بەدەندىكى ئىسسىق يەلنى ھەيدەش، ئاشقازان ۋە ئۆتنى ساغلاملاشتۇرۇش، ئۆپكىنى تازىلاپ بەلغەمنى بوشىتىش قاتارلىق ئۈنۈملىرى بار. بۇندىن باشقا، تۇرۇپ تەركىبىدە زور مىقداردا تالا ماددىلىرى بار بولغاچقا، ئاشقازان ئۈچەينىڭ قىمىرلىشىنى ئىلگىرى سۈرۈپ، ھەزىم قىلىشقا ۋە بەدەندىكى زەھەرلىك ماددىلارنى تازىلاشقا پايدىلىق بولىدۇ.

خام ماتېرىيالى
   تۇرۇپ، سوقۇلغان قىزىلمۇچتىن 30گىرام، زەنجىۋىل، سامساق، غولپىياز، ئالما
تەم خۇرۇچلىرى
   30گىرام تۇز
 

تەييارلاش ئۇسۇلى
 

   تۇرۇپنى قىيغۇدا قىيىپ (ياكى نېپىز توغرىساقمۇ بولىدۇ) ئۇزۇنراق نىپىز پارچە ھالەتكە ئەكىلىمىز.

   قىيىپ تەييارلىغان تۇرۇپنى قاچىدىن بىرگە سېلىپ، ئۈستىگە 30گىرام تۇز قوشۇپ قولىمىزدا مۇجۇپ ئارىلاشتۇرغاندىن كېيىن، 20 مىنۇت تۇزلاپ قويىمىز.

   سۈيىنى سىقىۋىتىمىز.