ئاچچىق-چۈچۈك ئارىلاشتۇرۇلغان لامنارىيە، نۇرغۇن كىشىلەر ياقتۇرۇپ ئىستىمال قىلىدىغان سۇغۇق سەي بولۇپ، خەيدەينىڭ ئۇزۇقلۇق تەركىبى مول، PHقىممىتى ئاجىز ئىشقارلىقنى ئىپادىلەيدىغان بولغاچقا، ھازىرقى زامان كىشىلىرىنىڭ كىسلاتالىققا مايىل يىمەك-ئىچمەك ئادىتىگە نىسبەتەن، ساغلاملىقنى قوغلىشىشتىكى مۇھىم بىر ئۇسۇلدۇر.

   بۇ خىل سۇغۇق سەينى تەييارلاش ئۇسۇلى ناھايىتى ئاددى ھەم ئاسان تەم كىرىدۇ. خەيدەينىڭ تەركىبىدىكى مول بولغان تالا ماددىلىرى، ئادەمنىڭ ئۈچەي يوللىرىنى تازىلىغۇچى بولۇپ، ئۈچەي يوللىرىدىكى ئەخلەت ۋە زەھەرلىك ماددىلارنىڭ ۋاقتىدا بەدەن سىرتىغا چىقىرۋىتىلىشىنى ئىلگىرى سۈرىدۇ.

   ئاچچىق-چۈچۈك ئارىلاشتۇرۇلغان لامنارىيە، ئىشتىھانى ئاچىدىغان بىر خىل سۇغۇق سەي بولۇپ، بۇ سۇغۇق سەينى تەييارلاشتىكى مۇھىم نوقتا، ئارىلاشتۇرغان ۋاقىتتا قوشىدىغان قىيامدۇر. تۆۋەندە بىز بىرلىكتە، بۇ خىل سۇغۇق سەينى تەييارلاش ئۇسۇلىنى كۆرۈپ باقايلى!
    كىتەرلىك ماتىريال: خەيدەي 200گىرام، زەنجىۋىل، سامساق، تۇز، ئۆسۈملۈك مېيى، تېتىقۇ، شىڭچوۋ جىياڭيۇسى، ئاچچىقسۇ، كىچىك قىزىلمۇچ، كۈجۈت مېيى، ئاق شىكەر

    ئەگەر سېتىۋالغىنىڭىز قۇرۇق لامنارىيە بولسا، ئاۋال ئازراق سۇغا چىلاپ قويۇپ، يۈز قىسمىدىكى تۇز دانىچىلىرىنى چىقىرۋىتىش كىرەك.

    لامنارىيەنى ئۇزۇنچاق قەلەمچە ھالىتىدە توغرايمىز؛ زەنجىۋىل، سامساق، قىزىلمۇچ قاتارلىقلارنى ئۇششاق چاناپ توغراپ تەييارلايمىز.

    مۇۋاپىق مىقداردىكى يۇمغاقسۈتنى پاكىزە يۇيۇپ، ئۇششاق توغراپ تەييارلايمىز.

    قازاندا سۇ قاينىتىپ، لامنارىيەنى ئون مىنۇت قاينىتىمىز.

    قاينىتىپ بولغاندىن كىيىن لامنارىيەنى سۈزىۋىلىپ، سۇغۇق سۇدىن ئۆتكۈزۈپ قويۇپ قويىمىز.

    قىيمام تەڭشەيمىز: كىچىك چىنىدىن بىرنىڭغا، ئىككى قوشۇق شىڭچوۋ جىياڭيۇسى، بىر قوشۇق ئاچچىقسۇ، ئازراق تېتىتقۇ، بىر قوشۇق كۈنجۈت مېيى، يېرىم قوشۇق ئاق شىكەر قوشۇپ ئارىلاشتۇرىمىز.

    قازانغا ئازراق ماي قۇيۇپ قىزىتقاندىن كىيىن، زەنجىۋىل بىلەن سامساقنى سېلىپ تەم چىقارغاندىن كىيىن ئوتنى ئۆچۈرىمىز؛ ئوتنى ئۆچۈرگەندىن كىيىن، توغرالغان قىزىلمۇچنى سېلىپ نەچچە مالتىلاپ قورۇيمىز.