كاللەك بەسەي، ئادەتتە بىز كۆپ ئىستىمال قىلىدىغان كۆكتاتلارنىڭ بىر تۈرى بولۇپ، تەركىبىدە ۋىيتامىن C، ۋىيتامىن B1، فولىن كىسلاتاسى ۋە كالىي قاتارلىقلار ئىنتايىن مول. كاللەكسەينىڭ ئىنىرگىيە مىقدارى تۆۋەن بولۇپلا قالماي، يەنە تېخى بەدەننىڭ ئىممونت كۈچىنى يۇقىرى كۆتۈرىدۇ. ئادەتتە، بىز كاللەكبەسەينى كۆپىنچە قورۇما قورۇپ ئسىتىمال قىلىمىز؛ بۈگۈن كۆپچىلىككە بولسا، كاللەكبەسەيدىن سۇغۇق سەي تەييارلاش ئۇسۇلىنى تۇنۇشتۇرۇپ ئۆتىمىز.

   كىتەرلىك ماتىريال: كاللەكبەسەي، ئىنچىكە پىنتوزا، قاقمۇچ، سامساق، يېرىم قۇشۇق تۇز، ئىككى قوشۇق شىڭچوۋ جىياڭيۇسى، ئىككى قوشۇق ئاچچىقسۇ
تەييارلاش ئۇسۇلى
   1. يىمەكلىك ماتىرياللىرىنى تەييارلىۋالىمىز.

   2. كاللەكبەسەينى يۇيۇپ پاكىزلىغاندىن كىيىن، ئىنچىكە قەلەمچە ھالىتىدە توغرىۋالىمىز.

   3. قازاندا سۇ قاينىتىپ، كاللەكبەسەينى سېلىپ ئىككى مىنۇت قاينىتىۋالىمىز.

   4. كاللەكبەسەينى سۈزۈپ ئېلىپ، سۇغۇق سۇدا بىر چايقىۋەتكەندىن كىيىن، سۈيىنى پاكىزە سىقىپ قۇرۇتۇپ، ئىشلىتىش ئۈچۈن بىر قاچىغا ئېلىپ قويىمىز.

   5. ئىنچىكە پىنتوزىنى قايناقسۇغا بېسىپ پىشۇرىمىز؛ كەينىدىن سۇغۇق سۇدا بىر چايقىۋەتكەندىن كىيىن، سۈيىنى پاكىز ساقىتىۋىتىپ، كاللەكبەسەينى سېلىپ قويغان قاچىغا بىللە سېلىپ قويىمىز.

   6. سامساقنى چاناپ، قاقمۇچنى بۆلەك ھالىتىدە توغرا تەييار قىلىمىز.

   7. قازاننى قىزىتىپ ماي قۇيۇپ، قاقمۇچ ۋە سامساق چانالمىسىنى سېلىپ قورۇپ تەم چىقارغاندىن كىيىن، ئۈستىگە تۇز، شىڭچوۋ جىياڭيۇسى، ئاچچىقسۇلارنى قوشۇپ قاينىتىمىز.