نۇرغۇن كىشىلەردە قەۋزىيەت ئاۋارىچىلىقى بار بولۇپ، بەزىلەر قوقاقلىتىدىغان يېمەكلىكلەرنى كۆپ يىگەنلىكتىن، بەدىنى زىيادە قۇرغاقلىشىپ كىتىپ قەۋزىيەتنى كەلتۈرۈپ چىقارغان بولىدۇ؛ بەزىلەرنىڭ ئىسسىقى ئېشىپ كېتىپ قەۋزىيەتنى كەلتۈرۈپ چىقارغان بولىدۇ. لېكىن مەيلى قايسى خىل ئەھۋل كەلتۈرۈپ چىقارغان قەۋزىيەت بولمىسۇن، ئۇ بىزنىڭ تۇرمۇش سۈپىتىمىزگە تەسىر يەتكۈزۈپ، بىزنى ھەرۋاقىت بىئارام قىلىدۇ. ئەگەر سىزدىمۇ قەۋزىيەت بار بولسا، ئۇنداقتا بىز بۈگۈن تونۇشتۇرغان بۇ قورۇمىنى ئۆتكۈزۈۋىتىپ قالماڭ؛ بۇ خىل قورۇما قەۋزىيەتنى ياخشىلاشقا ئەڭ پايدىلىق بولۇپ، دائىم ئىستېمال قىلىپ بەرسىڭىز، قەۋزىيەت تۈپتىن ياخشىلىنىدۇ.

   كىتەرلىك ماتېرىيال: بەرەڭگە، كۈدە، ئىستېمال مېيى، تۇز، توخۇ تەم جەۋھىرى
تەييارلاش ئۇسۇلى
   بەرەڭگىنى ئاقلاپ يۇيۇپ، ئىنچىكە قەلەمچە قىلىپ توغرىغاندىن كېيىن سوغۇق سۇغا چىلاپ قويىمىز.

   كۈدىنى ئاقلاپ يۇيۇپ، بۆلەك ھالىتىدە توغرايمىز.

   قازان ئېسىپ، ماي قۇيۇپ قىزىتىمىز.

   بەرەڭگە قەلەمچىسىنى سالىمىز.

   كۈدىنى سالىمىز، ئازراق تۇز قوشىمىز.

   قورۇپ كۆكتاتلار پىشقاندىن كېيىن، ئازراق توخۇ تەم جەۋھىرى قوشۇپ ئۇسۇپ ئالساق بولىدۇ.