دەۋرنىڭ ئۇچقاندەك تەرەققىي قىلىشىغا ئەگىشىپ، نۇرغۇن مۇھىت مەسىلىلىرى پەيدا بولدى؛ ھاۋا سۈپىتىنىڭ تۆۋەنلىشى، بىزنىڭ نۇرغۇنلىغان زىيانلىق گازلارنى سۈمۈرۋىلىشىمىزنى كەلتۈرۈپ چىقارماقتا. بۇندىن باشقا، تۇرمۇش ئادىتىمىزنىڭ ئۆزگىرىشى نەتىجىسىدە، بىز مايلىق، ئاچچىق يېمەكلىكلەرنى تېخىمۇ ياقتۇرۇپ ئىستېمال قىلىدىغان بولدۇق. بۇنداق ئەھۋاللارنىڭ كۆرسىتىدىغان بىۋاستە تەسىرى، بەدەندە زەھەرلىك ماددىلار ۋە كېرەكسىز ئەخلەتلەرنىڭ يېغىلىپ قېلىشىدۇر. شۇڭا، بۈگۈن كۆپچىلىكنىڭ دىققىتىگە، "بەدەندىكى ئەخلەتلەرنى تازىلىغۇچى" دەپ نام بىرىلگەن بىر خىل قورۇما تەييارلاش ئۇسۇلى تونۇشتۇرۇپ ئۆتىمىز.

   كىتەرلىك ماتېرىيال: قارا قېرىنقولاق، بەسەي، ئىستېمال مېيى، تۇز، شىڭچوۋ جىياڭيۇسى، قىزىلمۇچ، قاقمۇچ، ئاچچىقسۇ، زەنجىۋىل

تەييارلاش ئۇسۇلى
   1. قارا قېرىنقولاقنى سۇغا چىلاپ كۆپتۈرگەندىن كېيىن، قەلەمچە قىلىپ توغرايمىز؛

   2. قىزىلمۇچنى يۇيۇپ پاكىزلاپ، قەلەمچە قىلىپ توغرايمىز؛ زەنجىۋىلنى ئۇششاق چاناپ توغرايمىز.

   3. بەسەينى قەلەمچە قىلىپ توغرايمىز.

   4. قازان ئېسىپ ماي قىزىتىپ، زەنجىۋىل چانالمىسى بىلەن قىزىلمۇچنى سېلىپ، قورۇپ تەم چىقىرىمىز.

   5. بەسەينى سېلىپ قورۇيمىز.

   6. ئازراق شېكەر قوشۇپ داۋاملىق قورۇيمىز.

   7. قارا قېرىنقولاقنى سالىمىز.

   8. ئاچچىقسۇ قوشۇپ داۋاملىق مالىتىلاپ قورۇيمىز.