پۇرچاق ئۈندۈرمىسى، دادۇرنى پششىقلاپ بىتەرەپ قىلىش ئارقىلىق بىخلاندۇرۇلغان ئۈندۈرمە بولۇپ، ئۇزۇقلۇقى تەركىبى مول بولغان كۆكتاتتۇر. سېرىق پۇرچاق بىخلىنىش جەريانىدا، تېخىمۇ كۆپ ئۇزۇقلۇق ماددىلار قويۇپ بىرىلىپ، بەدەننىڭ سۈمۈرۈلىشىگە تېخىمۇ پايدىلىق بولىدۇ. شۇڭا بۈگۈن كۆپچىلىكنىڭ دىققىتىگە، ئۆيدە مىفەن بىلەن قوشۇپ ئىستېمال قىلىشقا تولىمۇ ماس كېلىدىغان قورۇما—پۇرچاق ئۈندۈرمىسى دۇفۇ قورىمىسى تونۇشتۇرۇپ ئۆتىمىز.

   كىتەرلىك ماتېرىيال: پۇرچاق ئۈندۈرمىسى، دۇفۇ، قىزىلمۇچ، كۆكمۇچ، زەنجىۋىل، غولپىياز مايسىسى، مايلىق گۆش
تەييارلاش ئۇسۇلى
   ئالدى بىلەن دۇفۇنى ئۇزۇن قەلەمچە ھالىتىدە توغرايمىز؛ قىزىلمۇچ ۋە كۆكمۇچنى يۇمىلاق چەمبەر شەكلىدە توغرايمىز؛ زەنجىۋىلنى قەلەمچە ھالىتىدە توغرايمىز؛ غولپىياز مايسىسىنى ئۇششاق چاناپ توغرايمىز؛ پۇرچاق ئۈندۈرمىسىنى سۇغا چىلاپ يۇيۇپ پاكىزلايمىز؛ قوي گۆشىنى ئىنچىكە قەلەمچە ھالىتىدە توغرايمىز.

   قازاننى ئېسىپ ماي قىزىتىپ، دۇفۇنى سېلىپ داغلايمىز؛ دۇفۇ يۇقىرى تىمپىراتۇرىغا ئۇچرىغان ھامانلا تېز سۈرئەتتە قاتىدۇ، شۇڭا داغلاش جەريانىدا، دۇفۇنى خاتىرجەم ھالدا چۈمۈچ بىلەن ئىتتىرىپ مىدىرلىتىپ بەرسەك بولىدۇ، بۇنىڭدا تېخىمۇ تەكشى داغلىنىدۇ؛ كىچىك ئوتتا ئىككى مىنۇت داغلىساق بولىدۇ، داغلاپ بولغاندىن كېيىن سۈزۈپ ئېلىپ يېغىنى تولۇق ساقىتىۋىتىمىز.

   ئىككىنچى قەدەمدە، قازاندا ئازراق ماي قالدۇرۇپ، مايلىق گۆشنى سېلىپ، مايلىق گۆشنىڭ مېيى ئىرىپ گۆشى سارغىيىپ كۈيۈك رەڭگىگە كىرگۈچە قورۇيمىز؛ كەينىدىن، زەنجىۋىل، غولپىياز مايسىسى، قىزىلمۇچ ۋە كۆكمۇچلارنى سېلىپ قورۇپ تەم چىقىرىمىز؛ 5گىرام پۇرچاق بوتقىسى قوشۇپ قورۇپ، قىزىل ماي چىقىرىمىز.

   ئۈچىنچى قەدەمدە پۇرچاق ئۈندۈرمىسىنى سېلىپ، چوڭ ئوتتا بىر مىنۇت قورۇپ، پۇرچاق ئۈندۈرمىسى پىشقاندىن كېيىن ئىككى گىرام لاۋچوۋ جىياڭيۇسى قوشۇپ رەڭ كىرگۈزىمىز.

   تۆتىنچى قەدەمدە، ئىككى گىرام تۇز، ئىككى گىرام توخۇ تەم جەۋھىرى، بىر گىرام قارىمۇچ ۋە ئازراق ئاق شېكەر قوشۇپ تەم تەڭشەيمىز؛ كەينىدىن قازانغا ئازراق سۇ قۇيۇپ، داغلاپ تەييارلىغان دۇفۇنى قازانغا سېلىپ، كىچىك ئوتتا ئىككى مىنۇت قاينىتىمىز. ئىككى مىنۇتتىن كېيىن نەچچە مالتىلاپ ئارىلاشتۇرغاندىن كېيىن ئۇسۇپ ئالساق بولىدۇ.