بۈگۈن كۆپچىلىكنىڭ دىققىتىگە، بۆرەكنى قۇۋۋەتلەپ تىرىنى ياخشىلايدىغان بىر خىل قۇۋۋەت تائامى تەييارلاش ئۇسۇلىنى تونۇشتۇرۇپ ئۆتىمىز.

   كىتەرلىك ماتېرىيال: لامنارىيە(海带)، دۇفۇ، قوي گۆشى، زەنجىۋىل، غولپىياز، تېتىتقۇ ھارىقى، تۇز، خاسىڭ مېيى، جىياڭيۇ
تەييارلاش ئۇسۇلى
   1. لامنارىيەنى يۇيۇپ پاكىزلىغاندىن كېيىن ئۇزۇن قەلەمچە ھالىتىدە توغرايمىز؛ دۇفۇنى تۆت بۇرجەك قىلىپ توغرايمىز.

   2. زەنجىۋىلنى پارچە قىلىپ توغرايمىز، غولپىيازنى بۆلەك ھالىتىدە توغرايمىز، گۆشنى كىچىكرەك توغراپ تەييارلايمىز؛

   3. قازانغا ماي قۇيۇپ (مايغا ئازراق تۇز قوشۇۋىتىمىز) قىزىتىپ، ئاۋۋال گكشنى سېلىپ نەچچە مالىتىلاپ قورۇۋەتكەندىن كېيىن، زەنجىۋىل، غولپىياز قاتارلىقلارنى سېلىپ تەم چىقىرىمىز؛ ئازراق جىياڭيۇ قوشۇۋەتكەندىن كېيىن لامنارىيەنى قوشۇپ قورۇيمىز؛ كەينىدىن ئىككى چىنە سۇ قۇيۇپ تۇۋاقنى ياپىمىز.
   4. سۇ قايناپ چىققاندىن كېيىن، دۇفۇنى قازانغا سېلىپ، ئۈستىگە مۇۋاپىق مىقداردا تېتىتقۇ ھارىقى قوشۇپ تەكشى ئارىلاشتۇرغاندىن كېيىن، تۇۋاقنى يېپىپ كىچىك ئوتتا 30مىنۇت دۈملەپ پىشۇرىمىز.
   5. ۋاقىت توشقاندىن كېيىن چوڭ ئوتتا سۈيىنى يېغىپ ئۇسۇپ ئالساق بولىدۇ.
   دوستانە ئەسكەرتىش: دۈملەش ۋاقتىنى چوقۇم 30مىنۇت قىلمىساقمۇ بولىدۇ، ئۆزىمىزنىڭ تەم خاھىشى بويىچە لامنارىيەنىڭ قاتتىق يۇمشاقلىقى ۋە تەمىنى بەلگىلەپ، شۇنىڭغا ئاساسەن ۋاقىتنى مۇۋاپىق تۈردە تەڭشىسەك بولىدۇ.