بۈگۈن كۆپچىلىكنىڭ دىققىتىگە، قان بېسىمى تۆۋەنلىتىشتىكى ئۈنۈملۈك قورىما—پىياز تۇخۇم قورىمىسى تەييارلاش ئۇسۇلىنى تونۇشتۇرۇپ ئۆتىمىز.

   كىتەرلىك ماتېرىيال: تۇخۇم، پىياز، كىچىك قىزىلمۇچ، كۆكمۇچ، سەۋزە
   تەم خۇرۇچلىرى: جىياڭيۇ، تۇز، شېكەر، غولپىياز، زەنجىۋىل

تەييارلاش ئۇسۇلى
   1. پىياز، سەۋزە، كۆكمۇچ قاتارلىقلارنى قەلەمچە ھالىتىدە توغراپ تەييارلايمىز.

   2. تۇخۇمنى چېقىپ، ئازراق تۇز قوشۇپ قوچۇيمىز؛ قازانغا ماي قۇيۇپ قىزىتقاندىن كېيىن، تۇخۇمنى سېلىپ قاتۇرىۋالىمىز.

   3. قازانغا قايتىدىن ماي قۇيۇپ قىزىتىپ، زەنجىۋىل، كىچىك قىزىلمۇچ ۋە غولپىيازلارنى سېلىپ تەم چىقارغاندىن كېيىن، سەۋزىنى سېلىپ قورۇيمىز؛ كەينىدىن پىيازنى سېلىپ قورۇيمىز، بۇ جەرياندا قازاننىڭ گىرۋىكىنى بويلىتىپ ئازراق سۇ قۇيىمىز. نەچچە تېمىم جىياڭيۇ ۋە تۇز قوشۇپ قورۇپ ئارىلاشتۇرىمىز؛ ئاخىرىدا كۆكمۇچ قەلەمچىسىنى سېلىپ قورۇيمىز.

   4. ئەڭ ئاخىرىدا، قاتۇرۇپ ئېلىپ قويغان تۇخۇمنى سېلىپ، نەچچە مالتىلاپ ئارىلاشتۇرغاندىن كېيىن ئۇسۇپ ئالساق بولىدۇ.