ياڭيۇنى چوڭ-كىچىك، ئەر-ئايال ھەممەيلەن ياقتۇرۇپ ئىستېمال قىلىدۇ؛ ئۇنىڭ ئۈستىگە مېنىڭ بىلىشىمچە، ھازىرقى كۆپ قىسىم بالىلار، كۆكتاتلار ئارىسىدىن پەقەت ياڭيۇنىلا ياقتۇرۇپ ئىستېمال قىلىدۇ. بۈگۈن كۆپچىلىكنىڭ دىققىتىگە، ياڭيۇنىڭ يېڭىچە بىر خىل يىيىش ئۇسۇلى—چۈرۈك ھەم ئاچچىق كەلگەن زىرە تەملىك ياڭيۇ داغلانمىسى تەييارلاشنى تونۇشتۇرۇپ ئۆتىمىز.
   كېتەرلىك ماتېرىيال: ياڭيۇ، سامساق، غولپىياز، ئاق كۈنجۈت، كاۋاۋىچىن سوقمىسى، زىرە، قىزىلمۇچ سوقمىسى، تۇز، قارىمۇچ
تەييارلاش ئۇسۇلى
   ياڭيۇنىڭ پوستىنى سويىۋىتىپ، كىچىك پارچە قىلىپ توغرىۋالىمىز؛ سامساق ۋە غولپىيازنى ئۇششاق توغرايمىز.

   قازاندا سۇ قاينىتىپ، ياڭيۇنى سېلىپ قاينىتىپ سەككىز ئۈلۈش پىشۇرۋالغاندىن كېيىن سۈزۈپ ئېلىۋالىمىز.

   قازانغا ئازراق ماي قۇيۇپ قىزىتىپ، سۇدا پىشۇرۋالغان ياڭيۇنى سېلىپ، يۈز قىسىمى سارغايغىچىلىك داغلايمىز.

   ئۈستىگە، سامساق، زىرە، قىزىلمۇچ سوقمىسى، كاۋاۋىچىن سوقمىسى، قارىمۇچ، ئاق كۈنجۈت، تۇز، غولپىياز مايسىسى قاتارلىقلارنى قوشۇپ، تەكشى ئارىلاشتۇرىۋەتكەندىن كېيىن ئۇسۇپ ئالساق بولىدۇ.