موگۇنىڭ ئاقسىل تەركىبى يۇقىرى، ياغ تەركىبى تۆۋەن بولۇپ، تەركىبىدە يەنە پولىساخارىدلار، ئامىنو كىسلاتالار ۋە كۆپ خىل ۋىتامىنلار بار، ئۇزۇقلۇق تەركىبى ئىنتايىن يۇقىرى زەمبۇرۇغ تۈرىدىكى يېمەكلىك ھېسابلىنىدۇ. بۈگۈن كۆپچىلىكنىڭ دىققىتىگە، يىيىشلىك موگو قورىمىسى تۇنۇشتۇرۇپ ئۆتىمىز.

كىتەرلىك ماتېرىيال: موگو، كۆكمۇچ، شىڭچوۋ جىياڭيۇسى، لاۋچوۋ جىياڭيۇسى، ئاق شېكەر، قارىمۇچ، سامساق، غولپىياز مايسىسى، ئىستېمال مېيى

   موگونى يۇيۇپ پاكىزلىغاندىن كېيىن، ياپراقچە ھالىتىدە توغرىۋالىمىز.

   كۆكمۇچنى يۇيۇپ پاكىزلاپ، رومبا شەكلىدە توغرايمىز؛ سامساقنى ياپراقچە شەكلىدە توغرايمىز؛ غولپىياز مايسىسىنى ئۇششاق توغرايمىز.

   قازاندا سۇ قاينىتىپ، موگونى سېلىپ قاينىتىۋالغاندىن كېيىن، سۇغۇق سۇدىن ئۆتكۈزىمىز ھەمدە سۈيىنى سىقىۋىتىپ تەييارلايمىز.
قورۇش ئۇسۇلى

   قازانغا ماي قۇيۇپ قىزىتىپ، ئالدى بىلەن غولپىياز مايسىسى ۋە سامساقلارنى سېلىپ تەم چىقىرىمىز، كەينىدىن موگونى سېلىپ قورۇيمىز.

   ئىككى قوشۇق لاۋچوۋ جىياڭيۇسى، بىر قوشۇق شېڭچوۋ جىياڭيۇسى، بىر قوشۇق ئاق شېكەر، ئازراق قارىمۇچ قاتارلىقلارنى يېرىم چىنە سۇ بىلەن ئارىلاشتۇرۇپ، تەكشى ئارىلاشتۇرغاندىن كېيىن قازانغا قۇيىمىز.