سەي كاۋىسى تۇرمۇشتا كۆپ ئۇچرايدىغان كۆكتاتارلىقنىڭ بىرى بولۇپ، ئۇنى ھەممەيلەن يەپ باققان. سەي كاۋىسىنىڭ ئۇزۇقلۇق قىممىتى ئىنتايىن مول، تەركىبىدە ۋىتامىنC، گىلوكوزا قاتارلىق ئۇزۇقلۇق ماددىلار مول، بولۇپمۇ كالتسىينىڭ مىقدارى ئىنتايىن يۇقىرى؛ شۇڭا ئادەتتە سەي كاۋىسىنى كۆپرەك ئىستىمال قىلىپ بەرسەك، بەدەننىڭ ئىممونت كۈچىنى ئاشۇرۇشقا پايدىلىق.
   سەي كاۋىسىنى تەييارلاش ئۇسۇلى كۆپ خىل، بۈگۈن بولسا، كۆپچىلىكنىڭ دىققىتىگە سەي كاۋىسىنىڭ ئەڭ ياخشى ئىستېمال ئۇسۇلىنى تونۇشتۇرۇپ ئۆتىمىز.

   كىتەرلىك ماتېرىيال: راك قاسرىقى(虾皮)، سەي كاۋىسى، تۇخۇم، قىزىلمۇچ، سامساق، غولپىياز، تېتىتقۇ ھارىقى، ماي، تۇز

تەييارلاش ئۇسۇلى
   سەي كاۋىسىنى يۇيۇپ پاكىزلاپ، ئۇرۇغىنى ئېلىۋەتكەندىن كېيىن توغراپ تەييارلايمىز.

   قاچىدىن بىرنىڭغا چېقىپ، ئازراق تېتىتقۇ ھارىقى قوشۇپ قوچۇيمىز؛ راك قاسرىقىنى سوغۇق سۇغا ئون مىنۇت چىلاپ قويغاندىن كېيىن سۈزۈپ ئېلىپ سۈيىنى ساقىتىمىز. غولپىياز ۋە سامساقنى توغراپ تەييارلايمىز.

   قازانغا ماي قۇيۇپ قىزىتىپ، تۇخۇمنى سېلىپ قاتۇرىمىز.

   توخۇمنى قاتۇرۇپ بولغاندىن كېيىن ئۇسۇپ ئېلىۋالىمىز.

   قازانغا قايتىدىن ماي قۇيۇپ قىزىتىپ، كەينىدىن سامساق، غولپىياز ۋە راك قاسرىقىنى سېلىپ قورۇپ تەم چىقىرىمىز.

   كەينىدىن سەي كاۋىسىنى سېلىپ ئىككى مىنۇت قورۇيمىز.

   قاتۇرغان تۇخۇمنى سېلىپ، تەكشى ئارىلاشتۇرۇپ قورۇيمىز.

   قىزىلمۇچنى سېلىپ، پىشقۇچە قورۇيمىز.

   تۇز سېلىپ ئارىلاشتۇرۇپ تەم تەڭشىسەكلا ئۇسۇپ ئېلىشقا بولىدۇ.