بۈگۈن كۆپچىلىكنىڭ دىققىتىگە، پىياز ياڭيۇ قورۇمىسى تۇنۇشتۇرۇپ ئۆتىمىز. پىيازنىڭ دورىلىق قىممىتى ئىنتايىن يۇقىرى بولۇپ، ئەپسۇسلىنارلىق بولغىنى، نۇرغۇن كىشىلەر پىيازنى قوشۇمچە سەي ئورنىدا ئىشلىتىدۇ. لېكىن، ئەگەر سىز ياڭيۇ بىلەن پىيازنى بىللە قورۇپ ئىستىمال قىلىپ باقسىڭىز، تەمىنىڭ ياخشىلىقىدىن چوقۇم ماڭا رەھمەت ئوقۇيسىز. ئۇنىڭ ئۈستىگە، پىياز بىلەن ياڭيۇنى بىللە قورۇپ ئىستىمال قىلغاندا، ئۈچەي يوللىرىنى راۋانلاشتۇرۇشقا بولىدۇ، قان تومۇرلار تېخىمۇ ساغلام بولىدۇ.

   كىتەرلىك ماتېرىيال: ياڭيۇ، پىياز، ئۇچلۇق قىزىلمۇچ، تۇز، كۈنجۈت مېيى، شىڭچوۋ جىياڭيۇسى
تەييارلاش ئۇسۇلى
   بىرىنچى قەدەمدە، ياڭيۇنى ئاقلاپ كىچىك ياپراقچە ھالىتىدە توغرايمىز؛ ئەگەر توغراپ بولغاندىن كېيىن سۇغا ئازراق چىلاپ قويساق، تېخىمۇ يۇمران ھەم چۈرۈك چىقىدۇ.
   ئىككىنچى قەدەمدە، پىيازنى ئاقلاپ يۇيۇپ پاكىزلىغاندىن كېيىن، كىچىك پارچە ھالىتىدە توغراپ تەييارلايمىز.

   ئۈچىنچى قەدەمدە، قازاننى ئېسىپ مۇۋاپىق مىقداردا يىمەكلىك مېيى قۇيىمىز؛ توغرالغان قىزىلمۇچ ۋە سامساقنى سېلىپ قورۇپ تەم چىقارغاندىن كېيىن، توغرالغان ياڭيۇنى سېلىپ قورۇيمىز. ئەگەر رەڭگى تېخىمۇ چىرايلىق چىقسۇن دېسەك، ئازراق كۆكمۇچ توغراپ قوشۇۋەتسەكمۇ بولىدۇ.
   تۆتىنچى قەدەمدە، ياڭيۇ پىشىپ بولغاندىن كېيىن پىيازنى سېلىپ تەكشى ئارىلاشتۇرۇپ قورۇيمىز؛ ئازراق تۇز، شىڭچۇۋ جىياڭيۇسى قوشۇپ تەم تەڭشىگەندىن كېيىن ئۇسۇپ ئالساق بولىدۇ.

ياڭيۇ پىياز قورۇمىسىنىڭ ساغلاملىق قىممىتى
   1. ياڭيۇنىڭ تەركىبىدە كىراخمال، مىنرالنىي ئىلمىنت قاتارلىق نۇرغۇنلىغان ئۇزۇقلۇق ماددىلار بار. ئەگەر ياڭيۇنى پىياز بىلەن قوشۇپ قورىساق، تەم سەزگۈنى غىدىقلاپ، ھەزىم قىلىشنى ئىلگىرى سۈرىدۇ؛ بۇنىڭدا، ئۇزۇقلۇقنىڭ بەدەنگە سۈمۈرلۈشى تېخىمۇ تىز بولىدۇ. بۇندىن باشقا يەنە، زەھەر ياندۇرۇش، يۇقۇملۇق زۇكامنىڭ ئالدىنى ئېلىش قاتارلىق ئۈنۈملەرنى كۆرسىتىدۇ.