كەچ كۈزنىڭ يىتىپ كېلىشىگە ئەگىشىپ، قىشلىق يىسىۋىلەك بازارغا كىرىشكە باشلىدى. يىسىۋىلەك تۇرمۇشىمىزدا كۆپ ئۇچرايدىغان، ئەر-ئايال، قېرى-ياش ھەممەيلەنگە ماس كېلىدىغان كۆكتات بولۇپ، ھەممە ئادەم ئاساسەن ياقتۇرۇپ ئىستىمال قىلىدۇ. تۆۋەندە كۆپچىلىكنىڭ دىققىتىگە، چۈچۈمەل تەملىك يىسىۋىلەك قورۇمىسى تەييارلاش ئۇسۇلىنى تۇنۇشتۇرۇپ ئۆتىمىز.

   كىتەرلىك ماتېرىيال: يىسىۋىلەك، ئۇچلۇق كىچىك قىزىلمۇچ، سامساق، تۇز، شىڭچوۋ جىياڭيۇسى، ئاچچىقسۇ
تەييارلاش ئۇسۇلى
   1. يىسىۋىلەكنى پاكىزە يۇغاندىن كىيىن، چوڭراق پارچە ھالىتىدە توغرايمىز، ياكى قولىمىزدا تىتساقمۇ بولىدۇ.

   2. قىزىلمۇچنى كىچىك بۆلەك ھالىتىدە توغرايمىز، سامساقنى ئىزىپ تەييار قىلىمىز.

   3. قازانغا مۇۋاپىق مىقداردا ماي قۇيۇپ ئالتە ئۈلۈش قىزىتقاندىن كېيىن، سامساق ۋە قىزىلمۇچنى سېلىپ داغلاپ تەم چىقىرىمىز؛ قىزىق ماينىڭ ئۈستىگە ئىككى قوشۇق ئاچچىقسۇ قۇيىمىز. نۇرغۇن كىشىلەر ماينىڭ چاچراپ كېتىشىدىن ئەنسىرەپ، قىزىق ماينىڭ ئۈستىگە ئاچچىقسۇ قۇيۇشقا ئادەتلەنمىگەن؛ ئەمەلىيەتتە، قازاندىكى ماي بەك كۆپ بولۇپ كەتمىسە ھەمدە سامساق بىلەن قىزىلمۇچنى سېلىپ قورىغان ۋاقىت بەك ئۇزۇن بولۇپ كەتمىسە، ئاچچىقسۇ قۇيساق، ماي چاچراپ بىرىدىغان ئەھۋال ئاسانلىقچە كۆرۈلمەيدۇ.

   4. قازاندىن ئاچچىقسۇ پۇرىقى چىققاندىن كېيىن يىسىۋىلەكنى سېلىپ قورۇيمىز.

   5. مۇۋاپىق مىقداردا ئاچچىقسۇ قوشىمىز.

   6. ئازراق جىياڭيۇ قوشۇپ قورۇپ، يىسىۋىلەك يۇمشاپ پىشقاندىن كىيىن ئۇسۇپ ئالساق بولىدۇ.