كاللەكبەسەي، كۈندىلىك تۇرمۇشىمىزدا ئەڭ كۆپ ئۇچرايدىغان كۆكتاتلارنىڭ بىرى بولۇپ، ئۆزى تەملىك، تەييارلىماق ئاسان بولۇپلا قالماي، ساقلىماقمۇ نىسبەتەن ئاسان؛ ئادەتتە يېڭى ساقلاش پىلاستىرىغا ئوراپ تەسكەي ئورۇندا قويۇپ قويساق، بىر ھەپتە ئەتراپىدا ساقلاشقا بولىدۇ.

   بۈگۈن كۆپچىلىككە تۇنۇشتۇرماقچى بولغىنىمىز، كاللەكبەسەينىڭ تىز ھەم ئاددىي بولغان يىيىش ئۇسۇلى.
   كېتەرلىك ماتېرىيال: كاللەكبەسەي، سامساق، غولپىياز، قاقمۇچ، تۇز ، توخۇ تەم جەۋھىرى، شىكەر، شىڭچوۋ جىياڭيۇسى، ئاچچىقسۇ
تەييارلاش ئۇسۇلى

   1. كاللەكبەسەينى پاكىزە يۇغاندىن كىيىن، قولىمىزدا تىتىپ كىچىك پارچە ھالەتكە ئەكىلىمىز. كاللەكبەسەينى قولىمىزدا تىتساق، تەمى نىسبەتەن ياخشىراق بولىدۇ؛ ئەگەر پىچاقتا توغرىساق، كاللەكبەسەينىڭ يۈز قىسمىدە ساقلىنىپ قالغان سۇ تەركىبلىرى بۇزغۇنچىلىققا ئۇچراپ خوراپ ئېقىپ كىتىدۇ ھەمدە بۇ سەۋەپلىك كاللەكبەسەينىڭ تەبىئىي تەمىگە تەسىر يېتىدۇ.

   2. غولپىياز مايسىسىنى ئۇششاق توغرايمىز، سامساقنى نىپىز ياپراقچە ھالىتىدە توغرايمىز، قاقمۇچنى بولسا يۇيۇپ پاكىزلىغاندىن كىيىن، كىچىك بۆلەك ھالىتىدە توغرايمىز. قاقمۇچنى ئەڭ ياخشىسى ئاۋال سۇغا بىردەم چىلاپ قويۇش كېرەك، بۇنىڭدا قورىغان ۋاقىتتا كۈيۈپ كەتمەيدۇ.

   3. قازاننى ئېسىپ ماي قۇيۇپ قىزىتقاندىن كىيىن، توغرالغان غولپىياز مايسىسى، سامساق، قاقمۇچ قاتارلىقلارنى قازاندىكى مايغا سېلىپ، كىچىك ئوتتا قورۇپ تەم چىقىرىمىز.

   4. تىتىلغان كاللەكبەسەينى سېلىپ تەكشى ئارىلاشتۇرۇپ قورۇيمىز ھەمدە تۇز، توخۇ تەم جەۋھىرى، ئاق شىكەرلەردىن مۇۋاپىق تۈردە قوشۇپ تەم تەڭشەيمىز.

   5. كاللەكبەسەي قورۇلۇپ يۇمشاشقا باشلىغان ۋاقىتتا، قازانغا شىڭچۇۋ جىياڭيۇسى ۋە ئاچچىقسۇ قوشۇپ، چوڭ ئوتتا داۋاملىق قورۇيمىز.

   6. قورۇپ كاللەكبەسەي پىشقان ۋاقىتتا، تەخسىگە ئۇسۇپ ئالساق بولىدۇ.