ھازىر، خىزمەت ۋە تۇرمۇش بېسىمىنىڭ ئېغىرلىقىدىن، بارغانسىرى كۆپ كىشىلەردە ئاشقازان كىسەللىكى كۆرۈلىۋاتىدۇ. ئاشقازان كىسىلىگە نىسبەتەن، ئۈچ ئۈلۈش داۋالاش، يەتتە ئۈلۈش كۈتۈنۈشكە تايىنىش كىرەك بولۇپ، يىمەكلىك ئارقىلىق ئاشقازاننى قۇۋۋەتلەپ ياخشىلاش ئىنتايىن مۇھىم.

   پىچەكگۈل، قۇۋۋەتلەش ئۈنۈمى ئىنتايىن ياخشى بولغان بىر خىل يىمەكلىك ماتىريالى بولۇپ، ئەگەر ئادەتتە پىچەكگۈلنى دائىم ئىستىمال قىلىپ بەرسەك، كۈتۈنۈش ئۈنۈمىگە ئىرىشىش بىلەن بىرگە، ئاشقازان-ئۆتنى قۇۋۋەتلەپ ئىقتىدارىنى ياخشىلاشقا پايدىلىق بولىدۇ. بۈگۈن، كۆپچىلىكنىڭ دىققىتىگە، پىچەكگۈلدىن تەييارلانغان بىر خىل قورىمىنى تۇنۇشتۇرۇپ ئۆتىمىز؛ بۇ خىل قورىمىنىڭ تەمى ياخشى بولۇپلا قالماي، دائىم ئىستىمال قىلىپ بەرگەندە، ئاشقازىنىڭىزنى ياخشىلايدۇ.

   كىتەرلىك ماتىريال: پىچەكگۈل، قارا قېرىنقولاق، كەرەپشە، سامساق، شېڭچوۋ جىياڭيۇسى، تۇز، كۆكمۇچ
تەييارلاش ئۇسۇلى
   1. كۆكمۇچنى يۇيۇپ پاكىزلىغاندىن كىيىن توغراپ تەييار قىلىمىز؛ كەرەپشىىڭ سارغايغان يۇپۇرماقلىرىنى ئېلىۋەتكەندىن كيىن يۇيۇپ پاكىزلاپ، بۆلەك ھالىتىدە توغراپ تەييارلايمىز؛ پىچەكگۈلنى يۇيۇپ پاكىزلىغاندىن كىيىن، پوستىنى سويىۋىتىپ، ئاۋال بۆلەك ھالىتىدە كەينىدىن يالپاقلاپ ياپراقچە ھالىتىدە توغرىۋالىمىز؛ قېرىنقولاقنى سۇغا چىلاپ قويۇپ، كۆپۈپ يۇمشىغاندىن كىيىن، پاكىزە يۇۋىتىپ سۈزۈپ ئېلىپ قويىمىز.

   2. قازانغا ئازراق ماي قۇيۇپ قىزىتماندىن كىيىن، ئاۋال سامساقنى سېلىپ تەم چىقىرۋالىمىز.

   3. ئالدىدا توغراپ تەييار قىلغان كەرەپشە، كۆكمۇچ ۋە قارا قېرىنقولاق قاتارلىقلارنى سېلىپ تەكشى ئارىلاشتۇرۇپ قورۇيمىز.

   4. كەينىدىن پىچەكگۈلنى سېلىپ، بارلىق ماتىرياللار پىشقىچىلىك تەكشى ئارىلاشتۇرۇپ قورۇيمىز.

   5. ئۇسۇشنىڭ ئالدىدا، بىر قوشۇق شىڭچوۋ جىياڭيۇسى ۋە ئازراق تۇز قوشۇپ تەم تەڭشىگەندىن كىيىن تەخسىگە ئۇسۇپ ئالساق بولىدۇ.

   6. كۈز كۈنلىرى پىچەكگۈلنى كۆپرەك يەپ بەرگەندە، ئاشقازاننى قۇۋۋەتلەپ ياخشىلايدۇ؛ چوڭ كىچىك ھەممەيلەننىڭ يىيىشىگە ماس كىلىدۇ.