بۈگۈن كۆپچىلىكنىڭ دىققىتىگە، قىزارتىپ دۈملەنگەن كالا قېرىنى تەييارلاش ئۇسۇلىنى تونۇشتۇرۇپ ئۆتىمىز. بۇنى ئۆگىنىۋالغاندىن كېيىن، ئۆيدە تەييارلاپ بىر ئائىلە كىشلىرى ئىستېمال قىلىشقىمۇ ۋە ياكى مېھمان كۈتۈشكىمۇ ئوخشاشلا ماس كېلىدۇ.

   كېتەرلىك ماتېرىيال:   كالا قېرىنى، ئاق تۇرۇپ، زەنجىۋىل، شاكال بەدىيان، قوۋزاق دارچىن، كاۋاۋىچىن، قاقمۇچ، پىۋا، سامساق، غولپىياز مايسىسى
   تەم خۇرۇچلىرى: قوناق كىراخمالى، تۇز، تېتىتقۇ ھارىقى، خۇڭشاۋ جىياڭيۇ، خاۋيۇۋ، شېكەر
 

تەييارلاش ئۇسۇلى
 

   سېتىۋىلىپ ئەكەلگەن كالا قېرىنىنى سۇ ئېقىتىپ يۇيۇپ پاكىزلىغاندىن كېيىن، كىراخمال،تۇز قاتارلىقلارنى قوشۇپ قايتا-قايتا ئۇۋۇلاپ يۇيىمىز، كەينىدىن سۇدا چايقايمىز، بۇ تەرىقىدە 6-5 قېتىم يۇيىمىز، سىرتتىن قارىغاندا پاكىزە كۆرۈنىدىغان ھەم غەلىتە پۇراق قالمىغان بولسىلا بولىدۇ.

   قازانغا سۇ قۇيۇپ، يۇيۇپ تەييارلىغان قېرىننى سېلىپ، ئۈستىگە زەنجىۋىل، تېتىتقۇ ھارىقى قوشۇپ قاينىتىپ، يەنە بىر قەدەم ئىلگىرىلىگەن ھالدا غەلىتە پۇراقنى يوقىتىمىز. قاينىغاندىن كېيىن سۈزۈپ ئېلىۋالساق بولىدۇ.

   كالا قېرىنىنى يۇقىرى بېسىملىق قازاندا پىشۇرۇش كېرەك، بولمىسا يۇمشاق پىشمايدۇ؛ زەنجىۋىلنى كۆپرەك قوشىمىز، كەينىدىن يەنە شاكال بەدىيان، قوۋزاق دارچىن، قاقمۇچ، كاۋاۋىچىن، بىر قوشۇق تېتىتقۇ ھارىقى، ئۈچ قوشۇق خۇڭشاۋ جىياڭيۇ، بىر قوشۇق تۇز قوشىمىز.

   كالا قېرىنى چۆكۈشكىچىلىك قىزىق سۇ قۇيۇپ، قېرىننى يۇقىرى بېسىملىق قازاندا 40 مىنۇت دۈملەپ پىشۇرىمىز.

   كالا قېرىنى پىشىپ بولغىچىلىك ئارىلىقتا، تۇرۇپنى توغراپ تەييارلايمىز؛ قېرىن پىشقاندىن كېيىن ئازراق قويۇپ سۇۋۇتۇپ، قەلەمچە ھالىتىدە توغرىۋالىمىز.

   قۇم قازىنىغا ئازراق ماي قۇيۇپ قىزىتىپ، غولپىياز ۋە سامساقنى سېلىپ تەم چىقىرىمىز، كەينىدىن ئاق تۇرۇپنى سېلىپ ئۈستىگە بىر قوشۇق خۇڭشاۋ جىياڭيۇ، بىر قوشۇق خاۋيۇۋ، بىر كىچىك قۇشۇق شىكەر قوشۇپ تەكشى ئارىلاشتۇرغاندىن كېيىن، توغراپ تەييارلىغان قېرىننى تۇرۇپنىڭ ئۈستىگە سالىمىز.