ئۇرۇقلايمەن دەپ كۈندە ئوت-چۆپ يەپ ئۆتسىڭىز قانداق بولىدۇ؟ بۈگۈن كۆپچىلىكنىڭ دىققىتىگە، ئۆزى تەملىك ئەمما ماي تەركىبى ئىنتايىن تۆۋەن بولغان—كالا پۇت سىڭىرى سەۋزە قورۇمىسى تۇنۇشتۇرىمىز؛ خالىغانچە يىسڭىز بولىدۇ، ھەرگىز سەمىرتمەيدۇ.

كىتەرلىك ماتىريال
     كالا پۇت سىڭىرى، سەۋزە
خۇرۇچ ماتىرياللىرى
     تېتىتقۇ ھارىقى، زەنجىۋىل، شاكال بەدىيان، قوۋزاق داچىن، قاقىلە، كاۋاۋىچىن

 

 

     250گىرام كالا پۇت سىڭىرى سېتىۋىلىپ، يۈز قىسمىدىكى مايلارنى پاكىزە ئېلىۋىتىمىز، بۇنىڭدا تەييارلىغان قورۇمىمىز مايلىق بولۇپ قالمايدۇ. سەۋزىنى بۇرجەكلىك قىلىپ توغرىۋالىمىز.

    كالا سىڭىرىنى يۇيۇپ پاكىزلىغاندىن كىيىن، توكلۇق يۇقىرى بېسىملىق قازانغا سالىمىز؛ بۇ ۋاقىتتا سىڭىر قاتتىق بولۇپ، يۇقىرى بېسىملىق قازانغا پۇشۇرۋىلىشقا توغرا كىلىدۇ. قازانغا يەنە بىر قوشۇق تېتىتقۇ ھارىقى، زەنجىۋىل، شاكال بەدىيان، قوۋازاق داچىن، قاقىلە ۋە كىچىك بىر سىقىم كاۋاۋىچىن سالىمىز.

     قازانغا ماتىريالنى چۆكۈشتۈرۈپ سۇ قۇيۇپ، توكلۇق يۇقىرى بېسىملىق قازان بولسا  بىر سائەت، ئادەتتىكى ئوتقا ئاسىدىغان يۇقىرى بېسىملىق قازان بولسا 40مىنۇت قاينىتىمىز.

     ۋاقىت توشقاندىن كىيىن، كالا پۇت سىڭىرىنى ئېلىپ، ئۈستىدە چالا قالغان ماي بار بولسا ئېلىۋىتىمىز؛ كەينىدىن ئازراق قويۇپ سۇۋۇتقاندىن كىيىن، ئۆزىڭىزنىڭ ئېغىزىغا پاتقىچىلىك چوڭ-كىچىكلىكتە توغرىۋالسىڭىز بولىدۇ.

    قازانغا ئازراق ماي قۇيۇپ قىزىتىپ، ئالدى بىلەن سامساق ۋە زەنجىۋىلنى سېلىپ تەم چىقىرۋالغاندىن كىيىن، كالا سىڭىرى ۋە سەۋزىنى سېلىپ قورۇيمىز؛ كەينىدىن ئۈچ قوشۇق خۇڭشاۋ جىياڭيۇ، بىر قوشۇق شىكەر، بىر قوشۇق تۇز قوشىمىز ھەمدە ئالدىدا كالا سىڭىرىنى قايناتقان ۋاقتىدا چىققان شورپىسىدىن ئازراق قوشىمىز.

    چوڭ ئوتتا قاينىتىۋالغاندىن كىيىن، ئوتتورا دەرىجىلىك ئوتقا ئالماشتۇرۇپ ئون مىنۇت قاينىتىمىز. ۋاقىت توشقاندىن كىيىن،  چوڭ ئوتقا ئالماشتۇرۇپ، ئۈستىگە ئازراق يۇمغاقسۈت تاشلىۋەتسەك، قاچىغا ئۇسۇپ ئېلىشقا تەييار بولىدۇ.