بۇ قورىمىنى ئۈچ كۈن بولدى ئۇدا يەۋاتىمەن، بەك تەملىك ئىكەن!!

6 يىل ئىلگىرى تەمزاتبەگ 80822:ئادەم ئۆگەندى

بۈگۈن كۆپچىلىكنىڭ دىققىتىگە، تەملىكلىكىدىن، ئاخىرىدا ئازراق سۈيىمۇ ئېشىپ قالمايدىغان، پەمىدۇر كالا گۆشى دۈملىمىسى تۇنۇشتۇرىمىز؛ ئارتۇق گەپ بىھاجەت، ئۆزىڭىز يەپ سىناپ بېقىڭ!

كىتەرلىك ماتىريال
كالا پەش گۆش، پەمىدۇر
خۇرۇچ ماتىرياللىرى
ناۋات، تۇز، شىڭچۇۋ جىياڭيۇسى، تېتىتقۇ ھارىقى، قارىمۇچ، پەمىدۇر قىيامى، قوۋزاق دارچىن، شاكال بەدىيان، زەنجىۋىل، سامساق، غولپىياز مايسىسى

تەييارلاش ئۇسۇلى

-1-

كالا گۆشىنى توغراپ سۇغۇق سۇ قۇيۇلغان قازانغا سالىمىز؛

ئۈستىگە ئازراق تېتىتقۇ ھارىقى، زەنجىۋىل قوشۇپ، غەلىتە تەمنى يوقىتىمىز؛

سۇ قاينىغاندىن كىيىن، موزىلىرىنى سۈزىۋىتىپ، گۆشنى سۈزۈپ ئېلىۋالىمىز؛

-2-

قازاننى ئېسىپ ماي قۇيۇپ، كىچىك ئوتتا قىزىتقاندىن كىيىن، ئازراق ناۋات سېلىپ، ناۋات ئىرىگۈچە قورۇيمىز؛

ئۈستىگە كالا گۆشىنى سېلىپ، رەڭگى ئۆزگەرگۈچە قورۇيمىز، كەينىدىن قوۋزاق دارچىن، زەنجىۋىل، سامساق، شاكال بەدىيانلارنى سېلىپ، چوڭ ئوتتا قورۇپ تەم چىقىرىمىز.

رەڭ ئۆزگەرگەندىن كىيىن، ئۈستىگە كالا گۆشى چۆكۈشكۈچىلىك ھالدا قايناقسۇ قۇيىمىز؛

20گىرام شىڭچۇۋ جىياڭيۇسى، 10گىرام تېتىتقۇ ھارىقى قوشۇپ، چوڭ ئوتتا قايناتقاندىن كىيىن، كىچىك ئوتقا يۆتكەپ بىر سائەت دۈملەيمىز.

-3-

بۇ ۋاقىتتا پەمىدۇرنى بىتەرەپ قىلىمىز؛ پەمىدۇرنى پاكىزە يۇيغاندىن كىيىن، يۈزىنى قوشۇش شەكلىدە تىلىۋىتىپ، بىر قاچىغا سېلىپ قايناقسۇغا بىردەم چىلاپ قويىمىز.

قاچىدىن سۈزۈپ ئېلىپ، پوستىنى سويىۋىتىپ توغراپ، ئىشلىتىش ئۈچۈن ئېلىپ قويىمىز؛

-4-

كالا گۆشىنى دۈملەپ بولغاندىن كىيىن، ئۈستىگە توغرالغان پەمىدۇرنى قوشىمىز؛

ئازراق پەمىدۇر قىيامى، تۇز، قارىمۇچ قوشۇپ، تەكشى ئارىلاشتۇرغاندىن كىيىن، يەنە 20مىنۇت قاينىتىمىز؛

ئاخىرىدا، ئۈستىگە ئۇششاق چاناپ توغرالغان غولپىياز مايسىسى سېپىۋەتسەك ئۇسۇپ ئالساق بولىدۇ؛

تەييارلىغان كالا گۆشى يۇمشاق ھەم تەملىك، سۈيى تېتىملىق چىقىدۇ؛ ئازراق چۆپ سېلىپ، ئۈستىگە بۇ قورىمىنى ئېلىپ يىسىڭىز، سىزمۇ ماڭا ئوخشاش نەچچە كۈن ئۇدا يەيدىغان بولۇپ قالىسىز.

ئۇن كەتمەيدىغان كالا گۆشى قاتلىمىسى

ئاچچىق تەملىك توشقان گۆشى قورىمىسى

كالىنىڭ بۇ يىرى ئەڭ تەملىك كىلىدۇ ھەم سەمىرىتمەيدۇ

قىزارتىپ قورىلغان كالا قويرىقى قورىمىسى

ئۆرۈك مېغىزى تەملىك سەدەپ يانقۇلىقى گۆش قورۇمىسى

بېلىق تەملىك گۆش قۇرىمىسى