كالا گۆشى موگو قورىمىسى ئىنتايىن تەملىك بىر خىل قورۇما بولۇپ، يۇمران قورۇلغان كالا گۆشى، ئاچچىق يىيىشنى ياخشى كۆرمەيدىغان دوستلارغا ئىنتايىن ماس كىلىدۇ. قاراشقىلا تەملىكلىكى چىقىپ تۇرىدىغان قورۇما ئىشتىھارىڭىزنى ئېچىپ، بىردەمدىلا ئىككى قاچا مىفەن يەۋىتىسىز.

كىتەرلىك ماتىريال
   كالا گۆشى، موگو، غولپىياز مايسىسى، سامساق، زەنجىۋىل
كىتەرلىك خۇرۇچ ماتىرياللىرى
    يىمەكلىك مېيى، شىڭچوۋ جىياڭيۇسى، قارىمۇچ، تېتىتقۇ ھارىقى، تۇز، شىكەر، كىراخمال

ماتىريال تەييارلاش
    كالا گۆشىنى نىپىز ياپراقچە ھالىتىدە توغرايمىز؛ موگونىڭ غول قىسمىنى كىسىۋىتىپ، ئۈستىنى قوشۇش شەكلىدە تىلىۋىتىمىز؛ زەنجىۋىل ۋە سامساقنى ياپراقچە ھالىتىدە توغرايمىز؛ غولپىياز مايسىسىنى بۆلەك ھالىتىدە توغرىۋالىمىز.
 

تەييارلاش ئۇسۇلى
 

   قازانغا ماي قۇيۇپ قىزىتىپ، زەنجىۋىلنى سېلىپ تەم چىقىرىمىز؛

    تەييارلىغان موگو بىلەن غولپىياز مايسىسىنى سالغاندىن كىيىن، مۇۋاپىق مىقداردا تېتىقۇ، بىر قوشۇق شىكەر ۋە تۇز قوشۇپ، موگونىڭ رەڭگى ئۆزگەرگىچىلىك تەكشى ئارىلاشتۇرۇپ قورۇيمىز؛

   قازانغا، موگۇ چۆكۈشكىچىلىك ھالدا قايناقسۇ قۇيۇپ، چوڭ ئوتتا قايناتقاندىن كىيىن، تۇۋاقنى يىپىپ ئوتتۇرا دەرىجىلىك ئوتتا بەش مىنۇت قاينىتىمىز؛

   بۇ ۋاقىتتا كالا گۆشىنى تۇزلاپ تەييارلىۋالىمىز؛ ئۈستىگە بىر قوشۇق شىڭچوۋ جىياڭيۇسى، بىر قوشۇق تۇز ۋە شىكەر، بىر كىچىك قوشۇق تېتىتقۇ ھارىقى، ئىككى قوشۇق كىراخمال، مۇۋاپىق مىقداردا قارىمۇچ، بىر قوشۇق كۈنجۈت مېيى قۇيۇپ، قولىمىزدا تەكشى ئارىلاشتۇرىمىز.

   موگونى قازاندىن ئۇسۇپ ئېلىپ، ئىشلىتىش ئۈچۈن ئېلىپ قويىمىز؛ قازاننى يۇۋىتىپ ماي قۇيۇپ قىزىتقاندىن كىيىن، تۇزلاپ تەييارلىغان كالا گۆشىنى سېلىپ، گۆش سارغايغىچىلىك قورۇيمىز.

   گۆش سارغايغاندىن كىيىن بىر چەتكە ئىتتىرىپ قويۇپ، ئالدى بىلەن سامساق ۋە غولپىياز مايسىسىنى سېلىپ تەم چىقىرىمىز(بەك ئۇزۇن قويماڭ)، كەينىدىن موگونى سالىمىز.

   كەينىدىن بىر قوشۇق شىڭچوۋ جىياڭيۇسى، بىر قوشۇق تۇز ۋە شىكەر، مۇۋاپىق مىقداردا تېتىتقۇ ۋە بىر قوشۇق تېتىتقۇ ھارىقى قوشۇپ، چوڭ ئوتتا قورۇيمىز.