ھازىر كىشىلەرنىڭ تۇرمۇش شارائىتى بارغانسىرى ياخشىلىنىپ كىتىپ بارغان بولغاچقا، نۇرغۇن كىشىلەر غىزالىنىش جەھەتتە، تائامنىڭ تەمىنىڭ ياخشى بولۇشىغا ئەھمىيەت بىرىش بىلەن بىرگە، تائامنىڭ سىرتقى كۆرۈنۈشى ۋە كۈتۈنۈش ئۈنۈمىگىمۇ ئىتىبار بىلەن قارايدىغان بولدى. كۈتۈنۈش تىلغا ئېلىنغاندا، گۆش تۈرى بىلەن كۆكتات تۈرىنى ماسلاشتۇرۇپ ئىستىمال قىلىش لازىم بولىدۇ؛ بۇنداق ئەھۋالدا، مىنىڭ ئەڭ ياقتۇرىدىغىنىم، يەنىلا توخۇ گۆشىدۇر.

   توخۇ گۆشىنىڭ ئۇزۇقلۇق قىممىتى ئىنتايىن يۇقىرى، ئۇنىڭ ئۈستىگە گۆشىمۇ يۇمران؛ ئۇنىڭ ئۈستىگە، توخۇ گۆشىنى دائىم ئىستىمال قىلىپ بەرگەندە، قۇۋۋەت ماغدۇر تۇلۇقلاپ كۈتۈنۈش ئۈنۈمىگە ئىرىشكىلى بولىدۇ. ئادەتتە، توخۇ گۆشىدە شورپا سېلىپ ياكى قورۇما قورۇپ ئىستىمال قىلىنىدۇ؛ لىكىن مىنىڭچە، دۈملەپ پىشىرۇشمۇ يامان ئەمەس بىر ئۇسۇل بولۇپ، موگو بىلەن قوشۇپ دۈملەپ پىشۇرساق، تەملىك ھەم سىرتقى كۆرۈنىشىمۇ بىر قاراشقىلا ئادەمنىڭ ئېغىزىغا سۇ يېغىدىغان تائام تەييار بولىدۇ.

   توخۇ گۆشى بىلەن موگۇنى قوشۇپ دۈملەشتە، بەزىبىر قەدەم باسقۇچلارغا دىققەت قىلماي بولمايدۇ. بۈگۈن كۆپچىلىكنىڭ دىققىتىگە، بۇ خىل تائامنى تەييارلاش قەدەم باسقۇچلىرىنى، ئاددىيلا تۇنۇشتۇرۇپ ئۆتىمىز.
   بىرىنچى قەدەمدە، موگونى سۇغۇق سۇغا چىلاپ كۆپتۈرگەندىن كىيىن، سۈزۈپ ئېلىپ ۋە يۇيۇپ پاكىزلاپ، پارچە ھالەتتە توغرا ئىشلىتىش ئۈچۈن ئېلىپ قويىمىز. توخۇ گۆشىنى نورمال چوڭ-كىچىكلىكتە توغرا تەييارلايمىز.
كەينىدىن داستىن بىرنىڭغا توخۇ گۆشىنى سېلىپ، ئۈستىگە توغرالغان زەنجىۋىل، تۇز، شىڭچۇۋ جىياڭيۇسى، قارىمۇچ، كىراخمال قاتارلىقلاردىن مۇۋاپىق مىقداردا قوشۇپ تەكشى ئارىلاشتۇرغاندىن كىيىن، ئۈستىگە يەنە ئازرام ماي قۇيۇپ، تەكشى ئارىلاشتۇرۇپ 20 مىنۇت قويۇپ قويىمىز.

   ئىككىنچى قەدەمدە، 20مىنۇت ۋاقىت توشقاندىن كىيىن، توخۇ گۆشىنى چوڭراق تەخسىگە ئېلىپ تەكشى يېيىلتىمىز، ئۈستىگە توغرالغان موگونى قوشۇپ، موگونىمۇ تەكشى يېيىلتىمىز.

   ئۈچىنچى قەدەمدە، تەخسىدىكى يىمەكلىك ماتىريالىنى دۈملەش قازىنىغا سېلىپ 12مىنۇت دۈملەيمىز.