بۈگۈن تۇنۇشتۇرماقچى بولغان تائامنىڭ ئىسمى زەنجىۋىل تەملىك ئۆردەك گۆشى دۈملەنمىسى بولۇپ، بەدەنگە قۇۋۋەت يەتكۈزۈپ قوقاق ھەيدەيدۇ؛ ھۆللىكنى تۈگىتىپ قان تۇلۇقلايدۇ. ئەڭ مۇھىم بولغىنى، تەمى ئىنتايىن مىزىلىك!!!

كىتەرلىك ماتىريال
    ئۆردەك گۆشى
كىتەرلىك خۇرۇچ ماتىرياللىرى
     تېتىتقۇ ھارىقى، خۇڭشاۋ جىياڭيۇ، كۈنجۈت مېيى، قوۋزاق دارچىن، شاكال بەدىيان، زەنجىۋىل، تۇز

 

 

    ئاۋال ئۆردەك گۆشىنى سۇدا بىر قاينىتىۋالىمىز؛ ئۆردەك گۆشىنى كىچىكرەك قىلىپ توغرىغاندىن كىيىن، سۇغۇق سۇ قۇيۇلغان قازانغا سېلىپ، ئازراق ياپراقچە ھالىتىدە توغرالغان زەنجىۋىل ۋە ئىككى قوشۇق تېتىتقۇ ھارىقى(ئۆردەك گۆشىدىكى غەلىتە پۇراقنى يوقىتىشقا پايدىلىق) قوشۇپ قاينىتىمىز ھەمدە قاينىغاندىن كىيىن سۈزۈپ ئېلىۋالىمىز.

قۇم قازاندىن بىرنى تەييارلاپ، يېرىم چىنە كۈنجۈت مېيى قۇيۇپ قىزىتىمىز، ھەمدە زەنجىۋىلنى كۆپرەك سېلىپ، كۈنجۈت مېيى بىلەن داغلاپ تەمىنى چىقىرىمىز؛ زەنجىۋىل داغلىنىپ، رەسىمدىكىدەك كۈيۈك سېرىقى رەڭگىگە كەلگەن ۋاقىتتا سۈزۈپ ئېلىپ، ئىشلىتىش ئۈچۈن بىر چەتتە قويۇپ قويىمىز.

     قاينىتىپ ئالغان ئۆردەك گۆشىنى سۇدا بىر چايقاپ يۈزىگە چاپلىشىۋالغان موزىلىرىنى چىقىرۋەتكەندىن كىيىن قۇم قازانغا سېلىپ، يۈز قىسمىدا سۇس كۈيۈك رەڭگى پەيدا بولغان ۋە پۇرىقى تارقىلىپ چىقىشقا باشلىغان ۋاقىتقىچە مالتىلاپ قورۇيمىز.

    كەينىدىن، ئۈچ قوشۇق خۇڭشاۋ جىياڭيۇ قوشقاندىن كىيىن، شاكال بەدىيان، قوۋزاق دارچىن ۋە ئالدىدا سۈزۈپ ئېلىپ قويغان داغلانغان زەنجىۋىلنى قوشىمىز.

    قۇم قازانغا ئۆردەك گۆشى پۈتۈنلەي چىلاشقۇچىلىك سۇ قۇيۇپ، چوڭ ئوتتا قاينىتىۋالغاندىن كىيىن، قازاننىڭ تۇۋىقىنى يېپىپ، كىچىك ئوتتا بىر سائەت دۈملەپ پىشۇرۇمىز.