كۈزدىكى زىجىياڭ(仔姜) ئەڭ يىڭى ھەم سۈپەتلىك بولۇپ، كۈزدە يىڭى چىققان زىجىياڭ قوشۇپ تەييارلانغان ئۆردەك گۆشى دۈملىمىسى كۈز كۈنىدىكى ئەڭ قۇۋۋەتلىك تائاملارنىڭ بىرى ھىسابلىنىدۇ؛ ئۆردەك گۆشىنىڭ تەبىئىتى سۇغۇق بولغاچقا، كۈزنىڭ قۇرغاقچىلىقىنى ھەيدەپ، بەدەنگە ماغدۇر تۇلۇقلايدۇ.

كىتەرلىك ماتىريال
   ئۆدەك گۆشى، زىجىياڭ، پىۋا
خۇرۇچ ماتىريالى
   پۇرچاق بوتقىسى، شىڭچوۋ جىياڭيۇسى، لاۋچوۋ جىياڭيۇسى، ناۋات، تېتىتقۇ، تۇز، پىۋا، كۆكمۇچ، قىزىلمۇچ، غولپىياز، زەنجىۋىل

 

 

   ئۆدەك گۆشىنى سۇغا چىلاپ تەركىبىدىكى قان سۇلىرىنى چىقىرۋەتكەندىن كىيىن، زىجىياڭنى ياپراقچە قىلىپ توغرايمىز، يەنە ئازراق كۆكمۇچ ۋە قىزىلمۇچنى يۇمىلاق چەمبەر شەكلىدە توغرايمىز؛

   ئۆردەك گۆشىنى ئالدى بىلەن سۇدا قاينىتىۋالىمىز؛ قازانغا سۇ قۇيۇپ، ئۆدەك گۆشىنى سالغاندىن كىيىن، ئىككى قوشۇق تېتىتقۇ ھارىقى، غولپىياز ۋە زەنجىۋىللەرنى سېلىپ، ئوتنى يېقىپ چوڭ ئوتتا سۇنى قاينىتىمىز؛ سۇ قايناپ چىققاندىن كىيىن، سۈزۈپ ئېلىۋالىمىز.
 

   قازانغا ئازراق ماي قۇيۇپ قىزىتىپ، گۆشنى قورۇپ، ئۆدەك گۆشى تىرە ئاستىدىكى ياغلارنى ئىرىتىپ چىقىرىمىز؛ بۇنىڭدا تېخىمۇ تەملىك بولىدۇ ھەمدە كۆڭۈلنىمۇ ئاينىتمايدۇ.

   ئۆدەك گۆشىنىڭ سىرتقى يۈزى سارغايغاندىن كىيىن، توغرالغان غولپىياز، زەنجىۋىلنى سېلىپ، ئۈستىگە بىر قوشۇق پۇرچاق بوتقىسى، ئىككى قوشۇق شىڭچوۋ جىياڭيۇسى، يېرىم قۇشۇق لاۋچوۋ جىياڭيۇسى، بىر قوشۇق تۇز، ئازراق ناۋات قوشۇپ، تەكشى ئارىلاشتۇرۇپ قورۇيمىز ھەمدە بۇ ئارقىلىق ئۆردەك گۆشىگە تەم ۋە رەڭ كىرگۈزىمىز.
 

    ئۆدەك گۆشىنى قورۇپ بولغاندىن كىيىن، ئۇنى قۇم قازىنىغا تۆكۈپ، ئۆدەك گۆشى پۈتۈنلەي چىلاشقىچىلىك پىۋا قۇيۇپ، چوڭ ئوتتا قاينىتىمىز؛ قايناپ چىققاندىن كىيىن كىچىك ئوتقا ئالماشتۇرۇپ 40مىنۇت دۈملەيمىز.

    ۋاقىت توشقاندىن كىيىن، ئالدىدا توغراپ تەييار قىلغان زىجىياڭنى سېلىپ، تەكشى ئارىلاشتۇرغاندىن كىيىن، تۇۋاقنى يېپىپ يەنە بەش مىنۇت دۈملەيمىز؛