مىنىڭچە توخۇ پاچىقىنى ياقتۇرمايدىغان ئادەم بولمىسا كىرەك. بۈگۈن كۆپچىلىكنىڭ دىققىتىگە سۇنماقچى بولغىنىمىز، توخۇ پاچىقىنىڭ مەن ئۈچۈن ئەڭ تەملىك ھىسابلىنىدىغان يىيىش ئۇسۇلى بولۇپ، دۈملەش ياكى مايدا داغلاش كەتمەيدۇ، ئەمما تەمى يەنىلا ناھايىتى ئىسىل چىقىدۇ.
    ئالدى بىلەن بىر نەچچە توخۇ پاچىقى تەييارلايمىز.

    توخۇ پاچىقىنى يۇيۇپ پاكىزلىغاندىن كىيىن، قازانغا سېلىپ سۇدا قاينىتىپ پىشۇرىمىز.

    بۇندىن باشقا يەنە مۇۋاپىق مىقداردا پىياز، سامساق، زەنجىۋىل، غولپىياز توغراپ تەييار قىلىمىز.

    چىنىدىن بىرنىڭغا ئازراق شېڭچوۋ جىياڭيۇسى، كۈنجۈت مېيى(ياكى قىزىل ماي)، تۇز قوشۇپ ئارىلاشتۇرىمىز.

    پىشۇرۇپ تەييار قىلغان توخۇ پاچىقىنى قولىمىزدا تىتىپ سۆڭىكىدىن ئاجرىتىپ، تەخسىدىن بىرنىڭغا سېلىپ تەييار قىلىمىز.

    قازاننى ئوچاققا ئېسىپ، ئۇنىڭغا ئازراق ماي قۇيۇپ قىزىتقاندىن كىيىن، غولپىياز، پىياز، سامساق، زەنجىۋىل قاتارلىقلارنى قازانغا سېلىپ قورۇيمىز.

    قورۇپ بولغاندىن كىيىن، قازاندىكى ياغنى ئالدىدا تەييارلىغان خۇرۇچ شەربىتى ئۈستىگە سۈزۈپ قوشىمىز ھەمدە بىر ئارىلاشتۇرۋىتىمىز.