توخ گۆشىنىڭ ماي تەركىبى تۆۋەن، ئەمما ئاقسىل تەركىبى يۇقىرى. بۈگۈن بىز توخۇ گۆشىدىن پايدىلىنىپ، داغلاپ قورۇلغان توخۇگۆشى ياڭيۇ قورىمىسى تەييارلاش ئۇسۇلىنى كۆرۈپ باقايلى. چۈرۈك ھەم تەملىك داغلانغان ياڭيۇ بىلەن توخۇ گۆشى ماسلاشسا، ئىشتىھانى ئاچىدۇ ھەم يىيىشلىك بولىدۇ.

كىتەرلىك ماتىريال
    توخۇ تۆش گۆشى، تۇخۇم، ياڭيۇ، غولپىياز مايسىسى
كىتەرلىك خۇرۇچ ماتىرياللىرى
    تۇز، شىكەر، شىڭچۇۋ جياڭيۇسى، تېتىتقۇ ھارىقى، كىراخمال، لاۋچوۋ جياڭيۇسى، زىرە تالقىنى

 

 

    توخۇ تۆش گۆشىنى بۇرجەكلىك كىچىك پارچە ھالەتتە توغرايمىز.

    بىر تۇخۇمنىڭ ئېقىنى قوشقاندىن كىيىن، بىر قوشۇق شىڭچوۋ جياڭيۇسى، بىر قوشۇق تېتىتقۇ ھارىقى قوشىمىز.

    كەينىدىن بىر قوشۇقتىن ئازراق تۇز، بىر قوشۇقتىن ئازراق شىكەر ۋە چوڭراق قۇشۇقتا بىر قوشۇق كىراخمال قوشىمىز.

    قولىمىزدا مىجىپ تەكشى ئارىلاشتۇرغاندىن كىيىن، 15مىنۇت قويۇپ قويىمىز.

    ياڭيۇنى ئاقلاپ، ئالدىدا توغرىغان توخۇ گۆشىدىن ئازراق چوڭراق ھالەتتە توغرىۋالىمىز

    توغراپ بولغان ياڭيۇنى سۇغۇق سۇغا چىلاپ، يۈزىدىكى كىراخمالنى يۇيىۋىتىمىز.

    ئاستى تۈز چاپلاشماس قازانغا ئازراق ماي قۇيۇپ قىزىتىپ، ئوتنى ئوتتۇرا ھال دەرىجىگە تەڭشەپ، ياڭيۇنى سېلىىپ تەكشى تارىتىپ، قۇرۇق داغلايمىز.

    ئاستى قىزمى داغلىنىپ سېرىق كۆيۈك ھالىتىگە ئۆزگەرگەندىن كىيىن، ئۇنى مالتىلاپ، باشقا يۈزلىرىنىمۇ داغلايمىز.

    ياڭيۇنىڭ ھەممە يۈزى ئاساسەن سېرىق كۈيۈك ھالىتىگە كەلگەندىن كىيىن، ئۇنى قازاننىڭ بىر تەرىپىگە يېغىپ قويىمىز.

    توخۇ گۆشىنى قازانغا سېلىپ، رەڭگى ئۆزگەرگۈچىلىك قورۇيمىز.

    بىر چەتتىكى ياڭيۇ بىلەن ئارىلاشتۇرىمىز.

    ئارىلاشتۇرۇپ بولغاندىن كىيىن تەكشى تارىتىپ قايتا قۇرۇغ داغلايمىز.

    كەينىدىن ئازراق لاۋچوۋ جياڭيۇسى، كىچىك بىر قوشۇق تۇز، كىچىك بىر قوشۇق شىكەر، كىچىك بىر قوشۇق زىرە تالقىنى قوشۇپ، ئارىلاشتۇرۇپ قورۇپ تەمىنى كىرگۈزىمىز.

    ئاخىرىدا، ئۈستىگە ئازراق چانالغان غولپىياز مايسسى سېپىۋەتسەك، تەخسىگە ئۇسسۇپ ئالساق بولىدۇ.