ئالما، تۇرمۇشىمىزدا كۆپ ئۇچرايدىغان مىۋىلەرنىڭ بىرى؛ ئۇنىڭ ئۇزۇقلۇق قىممىتى ئىنتايىن يۇقىرى بولۇپ، بەدەنگە ئىھتىياجلىق بولغان ۋىيتامىن، مىكرو مىنرالنى ئىلمىنتلار قاتارلىقلارنى تۇلۇقلاپلا قالماي، يەنە تېخى ئۈچەي يوللىرىنىڭ قىمىرلىشىنى ئىلگىرى سۈرۈپ، قەۋزىيەتنى ياخشىلايدۇ. ئەگەر يىنىك دەرىجىدىكى ئىچى سۈرۈش كۆرۈلگەندە، ئازراق ئالما يەپ بەرسە ئىچى سۈرۈشنى توختاتقىلى بولىدۇ. بىراق، ئادەتتە ئالما ئىستىمال قىلىش ۋاقتىغا دىققەت قىلىش لازىم بولۇپ، ئالمىنى ئەتىگىنى يىسە ئۈنۈمى ئەڭ ياخشى بولىدۇ. ئۇنداقتا، كەچتە ئالما يىسە بولامدۇ يوق؟ كەچ تەرەپتە قايسى يىمەكلىكلەرنى يىيشىكە ماس كەلمەيدۇ؟

    كەچتە ئالما يىسە ئاشقازانغا زىيانلىقمۇ؟
    ئالما گەرچە تەبىئىتى مۆتىدىل ھەم كۆپ قىسىم كىشىلەرنىڭ ئىستىمال قىلىشىغا ماس كەلسىمۇ، ئەمما ئۇنىڭ ئۇزۇقلۇق قىممىتىنى ئەڭ يۇقىرى دەرىجىدە جارى قىلدۇرىمىز دىسەك، ئۇنداقتا توغرا ۋاقىتنى تاللاپ ئسىتىمال قىلىشقا توغرا كىلىدۇ. ئادەتتە، ئالمىنى ئەتىگىنى ئىستىمال قىلسا ئەڭ ياخشى بولۇپ، ئىنىرگىيە تۇلۇقلايدۇ ھەمدە ئاشقازان ئۈچەينىڭ ھەزىم قىلىش يۈكىنى ئاشۇرۋەتمەيدۇ. ئەگەر كەچ تەرەپتە ئالما يىسەك، بۇ ۋاقىتتا ئالما ئاشقازاننى كۆرۈنەرلىك دەرىجىدە كۆپتۇرىدۇ؛ ئەگەر بۇنداق ئەھۋالدا، كەچلىرى بالدۇر ئۇخلاشقا ئادەتلەنگەن كىشىلەرگە نىسبەتەن، ئاشقازىنىغا ئازدۇر-كۆپتۇر زىيان يەتكۈزىدۇ. بۇنىڭدىن باشقا، ئالمىنىڭ تەركىبىدە يىمەكلىك تالا ماددىسى، يىرىك تالا ماددىسى ۋە مىۋە كىسلاتاسى نىسبەتەن مول بولغاچقا، ئاشقازان ئۈچەيگە قارىتا غىدىقلاش ئۈنۈمى كۆرسىتىدۇ ھەمدە بۇنىڭغا كەچلىرى تاماق ئاسان ھەزىم بولماسلىق قوشۇلۇپ، ئاشقازان ساغلاملىقىغا بەلگىلىك تەسىر كۆرسىتىدۇ.

    كەچتە يىيىشكە ماس كەلمەيدىغان يىمەكلىكلەردىن يەنە قايسىلار بار؟
شاكىلات
   شاكىلات، نۇرغۇن كىشىلەر ياخشى كۆرىدىغان بىر خىل ئۇششاق يىمەكلىك بولۇپ، ئىنىرگىيە تۇلۇقلاپلا قالماي، يەنە ئادەمنىڭ كەيپىياتىنى خۇشال قىلالايدۇ. نۇرغۇن كىشىلەرگە مەلۇملۇق، ئادەتتە كەيپىياتىمىز تۆۋەن ۋاقىتتا، ئازراق شاكىلات يەپ بەرسەك، شاكىلات تەركىبىدىكى ئالاھىدە ماددىلار مىڭىمىزنى ئارام ئالدۇرۇپ، بۇ ئارقىلىق كەيپىياتنى تەڭشەش رولىنى ئوينايدۇ. بىراق، كەچ تەرەپتە شاكىلات يىيىش تەۋسىيە قىلىنمايدۇ؛ چۈنكى، شاكىلات تەركىبىدە كوففىئىن بار بولۇپ، بۇ خىل ماددا ئادەم مىڭىسىنىڭ سەگەك ياكى ھاياجانلىق ھالەتنى ساقلىشىنى كەلتۈرۈپ چىقىرىپ، كەچلىك ئۇيقۇغا تەسىر يەتكۈزىدۇ.