كىتەرلىك ماتېرىيال: قوي قۇۋۇرغا گۆش، ياڭيۇ، كۆكمۇچ، قىزىلمۇچ

تەم خۇرۇچلىرى: شېكەر، تۇز، كاۋاۋىچىن، شاكال بەدىيان، قوۋزاق دارچىن، قىزىلمۇچ قىيامى، ئاچچىقسۇ، جىياڭيۇ، قىزىلمۇچ يېغى، زەنجىۋىل، سىڭفېن، قاقمۇچ

تەييارلاش ئۇسۇلى:  قۇۋۇرغا گۆشنى بارماق كەڭلىكىدە توغراپ تەييارلايمىز، ياڭيۇ، كۆكمۇچ ۋە قىزىلمۇچ قاتارلىقلارنىمۇ قۇۋۇرغا گۆش چوڭلۇقىدا قەلەمچە ھالىتىدە توغراپ تەييارلايمىز؛ قازانغا سۇ قۇيۇپ، قۇۋۇرغا گۆشنى بىر قاينىتىپ سۈزۈپ ئېلىۋالىمىز؛ بەرەڭگىنى ياغدا بىر داغلاپ سۈزۈپ ئېلىپ تەييارلىۋالىمىز.

قورۇش ئۇسۇلى:  قازانغا مۇۋاپىق مىقداردا ماي قۇيۇپ، بىر قوشۇق شىكەر قۇيىمىز، شىكەر ئىرىپ كۆپۈكچىلەر چىقىشقا باشلىغاندا، تەييارلىغان قۇۋۇرغا گۆشنى سېلىپ قورۇيمىز؛ گۆشنى سېلىپ ئازراق قورۇۋالغاندىن كېيىن، كاۋاۋىچىن، زەنجىۋىل، قاقمۇچ، شاكال بەدىيان، قوۋزاق دارچىن، قىزىلمۇچ قىيامى، جىياڭيۇ ۋە ئازراق تۇز قوشۇپ داۋاملىق قورۇيمىز؛ قوي گۆشى قورۇلۇپ رەڭ كىرگەندىن كېيىن، گۆش چۆكۈشكىدەك سۇ قۇيۇپ، 15 مىنۇت قاينىتىپ پىشۇرىمىز؛ ۋاقىت توشقاندىن كېيىن، تەييارلىغان ياڭيۇنى سېلىپ، بەش مىنۇت ئەتراپىدا داۋاملىق قاينىتىپ پىشۇرىمىز؛ كەينىدىن، مۇۋاپىق مىقداردا ئاچچىقسۇ، قىزىلمۇچ يېغى قوشۇپ تۇزىنى تەڭشىگەندىن كېيىن، ئازراق سىڭفىن سۈيى قوشىمىز؛ ئاخىرىدا، قىزىلمۇچ ۋە كۆكمۇچنى سېلىپ ئازراق قاينىتىپ ئۇسۇپ ئالساق بولىدۇ.