خام ماتېرىيالى :قوي قۇۋۇرغىسى، بەرەنگە، كىراخمال،تورت ئۇنى،تۇخۇم ئىككى دانە، سامساق، زەنجىۋىل ،غولپىياز.

تەم خۇرۇچلىرى:تۇز.تۇخو تەم جەۋھىرى، تېتىتقۇ،ئاق شېكەر، 13خىل تەم جەۋھىرى، سەپمە تېتىتقۇ،قارمۇچ،كاۋاۋىچىن، ياغمۇچ،قىزىلمۇچ چانالمىسى، بېلىق تەم جەۋھىرى،

تەييارلاش ئۇسۇلى:قوي قۇۋۇرغىسىنى دانىمۇ دانە پارچىلاپ ئاندىن يېرىم ھالەتتە سوڭىكىدىن ئايرىيمىز.بەرەنگىنى يالپاق توغراپ تەييارلىۋالىمىز.ئاندىن قۇۋۇرغىنى بىر قاچىغا ئېلىپ تۇخۇم چېقىپ ئاندىن تۇز.تۇخو تەم جەۋھىرى، تېتىتقۇ ، 13خىل تەم جەۋھىرى، سەپمە تېتىتقۇ ،كاۋاۋىچىن ئۇنى،تورت ئۇنى، كىراخمال سېلىپ ئارىلاشتۇرۇپ تەملەندۇرۋالىمىز.

قورۇش ئۇسۇلى:قازانغا قوۋۇرغا چىلاشقۇدەك ياغ قۇيۇپ قىزىغاندا قوي قۇۋۇرغىسىنى بىر بىرلەپ سېلىپ سارغىيىپ چۇرۇڭ ھالەتكە كەلگەندە ياغدىن سۇزۋالىمىز.قازانغا ئازراق ياغ قۇيۇپ قىزىغاندا سامساق، زەنجىۋىل ،غولپىياز سېلىپ مەززىلىك پۇراق چىققاندا قىزىلمۇچ چانالمىسى،بېلىق تەم جەۋھىرى،قىزىلمۇچ يېغى،سېلىپ قورۇۋالىمىز.

ئاندىن مۇۋاپىق مىقداردا سۇ قۇيۇپ قاينىغاندا تۇز.تۇخو تەم جەۋھىرى، تېتىتقۇ،ئاق شېكەر، 13خىل تەم جەۋھىرى، سەپمە تېتىتقۇ،قارمۇچ،كاۋاۋىچىن ئۇنى سېلىپ تۇز تەمىنى تېتىپ قوۋۇرغا بەرەنگىنى سېلىپ 15 مىنۇت ئەتراپىدا دۇملەپ پىشۇرۋالىمىز.ئاندىن چىرايلىق بېزەلگەن تەخسىگە ئاۋۋال بەرەنگىنى ئېلىپ ئاندىن قۇۋۇرغىنى چىرايلىق رەتلىك تىزىپ ئۇستگە دۇملىمە قىيامى قۇيۇپ ئەزىز مېھمىنىمىزنىڭ ئالدىغا ئېلىپ چىقساق بولىدۇ