خام ماتىريالى: قوينىڭ لوق گۆشى، سۇ يېغى، كۆك-قىزىلمۇچ، پەمىدۇر يېرىم تال، غولپىياز، سامساق، زەنجىۋىل

   تەم خۇرۇچلىرى: تۇز، ئاقمۇچ، كاۋاۋىچىن، تۇخۇم، كىراخمال

   تەييارلاش ئۇسۇلى: ئالدى بىلەن گۆشنى ياپراقچە قىلىپ نىپىز يالپاق توغرايمىز؛ كەينىدىن تۇز، ئاقمۇچ، كاۋاۋىچىن، يېرىم تۇخۇم، كىراخمالدىن ئازراق گۆشكە ئارلاشتۇرۇپ تەملەندۇرۋالىمىز.
   كۆكتاتلارنى پاكىز يۇيۇپ، كۆك-قىزىلمۇچلارنى غالتەك توغرايمىز، پەمىدۇرنى ئۈچ بۇرجەك توغرايمىز؛
   غولپىياز ،سامساق، زەنجىۋىللەرنى ئۇششاق توغرىۋالىمىز .

   قورۇش ئۇسۇلى: قازانغا ئۈچ چۈمۈچ ياغ قۇيۇپ، ياغ قىزىغاندا  گۆشنى سېلىپ، سارغىيىپ پىشقاندا ( توغرالغان كۆك-قىزىلمۇچ، پەمىدۇرلارنى ئالدىنئالا چويلىغا سېلىپ تەييار قىلىۋالىمىز ) چويلىغا تۆكىمىز.
   قازانغا ئازراق ياغ قۇيۇپ، غولپىياز، سامساق، زەنجىۋىللەرنى قۇرۇپ مەززىلىك پۇراق چىققاندا، تەييارلانغان ماتىرياللارنى سېلىپ قورۇپ، تۇز سېلىپ ئازراق سۇ قۇيۇپ تەمىنى تەڭشەيمىز؛  قىزىتىلغان تۇمۇر تەخسىگە ياكى بېزەلگەن تەخسىگە ئېلىپ مىھمانلىرىڭىزنى كۈتسىڭىز ياكى ئىستېمال قىلسىڭىز بولىدۇ.