بۈگۈن كۆپچىلىكنىڭ دىققىتىگە تونۇشتۇرۇپ ئۆتىدىغىنىمىز، قۇرۇق قورۇلغان سەي پۇرچاق قورىمىسى بولۇپ، چۈرۈك پىشقان سەي پۇرچاققا تۇزلۇق تەم قوشۇلسا، تەمى ئىنتايىن ياخشى چىقىدۇ.

   كىتەرلىك ماتېرىيال: سەي پۇرچاق، قوي گۆشى، كاۋاۋىچىن، قاقمۇچ، پۇرچاق بوتقىسى، ئىستېمال مېيى

تەييارلاش ئۇسۇلى
   1. سەي پۇرچىقىنىڭ ئىككى بېشىنى كىسىپ ئېلىۋەتكەندىن كېيىن، قولىمىزدا ئوشتۇپ سۇندۇرۇپ پارچىلايمىز ھەمدە پاكىزە يۇغاندىن كېيىن سۈيىنى تولۇق سارقىتىپ قويۇپ قويىمىز.

   2. قوي گۆشىنى (ئەڭ ياخشىسى مايسىز قارا گۆش ئىشلىتىش كېرەك) ئۇششاق چاناپ قىيما قىلىمىز؛ قاقمۇچنى ئازراق ۋاقىت سۇغا چىلاپ قويغاندىن كېيىن ئېلىپ بۆلەك ھالىتىدە توغرايمىز؛ سامساقنى ئاقلاپ چاناپ توغرايمىز.

قورۇش ئۇسۇلى
   3. قازانغا ماي قۇيۇپ قىزىتىپ، سەي پۇرچىقىنى سېلىپ داغلاپ، يۇمشاپ سىرتقى يۈزىدە قاپارتمىلار پەيدا بولۇشقا باشلىغاندا سۈزۈپ ئېلىپ مېيىنى سارقىتىپ ئېلىپ قويىمىز.

   4. قازاندا مۇۋاپىق مىقداردا ماي قالدۇرۇپ قىزىتىپ، ئاۋۋال قىيما گۆشنى سېلىپ سۇ تەركىبى تۈگىگىچە قورۇيمىز؛ كەينىدىن كىچىك ئوتقا ئالماشتۇرۇپ قورۇپ، گۆشنىڭ تەمىنى چىقىرىمىز؛ كەينىدىن سامساقنى سېلىپ قورۇپ تەم چىقارغاندىن كېيىن، پۇرچاق بوتقىسى، كاۋاۋىچىن، قاقمۇچ قاتارلىقلارنى سېلىپ قورۇپ، قىزىل ماي چىقىرىمىز.

   5. قورۇپ خۇرۇچ ماتېرىياللىرىنىڭ تەمىنى چىقارغاندىن كېيىن، ئالدىدا داغلاپ تەييارلىغان سەي پۇرچىقىنى سېلىپ قورۇيمىز؛ بىرلا ۋاقىتتا تۇز سېلىپ تەم تەڭشەپ، تەكشى ئارىلاشتۇرۇپ ئازراق قورۇۋەتكەندىن كېيىن ئۇسۇپ ئالساق بولىدۇ.
سەمىمىي ئەسكەرتىش
   1. سەي پۇرچىقىنى ئالدىن سۇدا قاينتىۋىلىش كېرەكمۇ يوق دېگەن مەسىلىدە، ئەگەر سەي پۇرچىقىنى ئاۋۋال سۇدا قاينىتىۋالساق، سەي پۇرچىقىنىڭ تەمى تەسىرگە ئۇچرايدۇ، شۇڭا سۇدا قاينىتىۋالماي بىۋاستە داغلىساق بولىدۇ.
   2. سەي پۇرچىقىنى داغلىغان ۋاقىتتا، ماي ئالتە ئۈلۈش قىزىغان ۋاقىتتا قازانغا سېلىپ داغلاشنى باشلاپ، سىرتقى يۈزى قاپىرىشقا باشلىغان ۋاقىتتا دەرھال سۈزۈپ ئېلىۋىلىش كېرەك، داغلاش ۋاقتى بەك ئۇزۇن بولمىسىمۇ بولىدۇ، خام قالمايدۇ.
   3. پۇرچاق بوتقىسى، قاقمۇچ ۋە كاۋاۋىچىن مىقدارىنى، پۈتۈنلەي ئۆزىڭىزنىڭ تەم خاھىشىغا ئاساسەن بەلگىلىسىڭىز بولىدۇ؛ ئاچچىق يىيىشنى ياخشى كۆرسىڭىز كۆپرەك سالسىڭىز بولىدۇ. بۇندىن باشقا، قوي گۆشىگىمۇ مايسىز ئۇرۇق گۆش تاللاڭ، بۇنىڭدا قورىمىنىڭ تەمىمۇ تېخىمۇ ياخشى چىقىدۇ.