تۇرمۇشتا بەزى كىشىلەر، ئۆزىنىڭ بارغانسېرى سەتلىشىپ كېتىپ بارغانلىقىنى بايقايدۇ؛ ئەگەر بۇنداق ئەھۋال كۆرۈلسە، بۇ بىزنىڭ بەدىنىمىزنىڭ قېرىشقا باشلىغانلىقىنىڭ سىگنالى بولۇش مۇمكىن. كۈندىلىك تۇرمۇشتا، بەزىبىر ناچار تۇرمۇش ئادەتلىرى، بەدىنىمىزنىڭ قېرىشىنى تىزلەشتۈرىۋىتىدۇ، شۇنىڭ ئۈچۈن بىز بارغانسېرى كۆرۈمسىزلىشىپ كەتكەن بولۇشىمىز مۇمكىن. ئۇنداقتا، قايسى خىل ناچار ئادەتلەر بەدىنىمىزنىڭ قېرىشىنى تېزلەشتۈرىۋىتىدۇ؟

كىچىسى ئۇخلىماسلىق
   ئۇخلاش ۋاقتى يىتەرلىك بولمىسا، بۇنىڭدا بەدىنىمىزنىڭ قېرىش سۈرئىتى تېزلىشىپ كېتىدۇ. چۈنكى ئۇزۇن مەزگىل كېچىسى ئۇخلىمىغان ۋاقىتتا، بەدىنىمىز يىتەرلىك دەرىجىدە ئارام ئېلىشقا ئېرىشەلمەي، ئاسانلا ئىچكى ئاجرالما قالايمىقانلىشىش، ئىچكى ئەزالارنىڭ ئىقتىدارى تۆۋەنلەپ ئاجىزلاپ كېتىش قاتارلىق ئەھۋاللارنى كەلتۈرۈپ چىقىرىدۇ. بۇندىن باشقا، ئۇيقۇ يىتەرلىك بولمىغاندا، بەدەندىكى ئەخلەتلەر ۋاقتىدا بەدەن سىرتىغا چىقىرىۋىتىلەلمەي، ئوخشاشلا ساغلاملىققا تەسىر يەتكۈزىدۇ.
ھەرىكەت قىلىشنى ياقتۇرماسلىق
   بارغانسېرى كۆرۈمسىزلىشىپ كېتىش ھادىسىسىنى، ئۇزۇن ۋاقىت ئولتۇرىۋىلىپ ھەرىكەتلەنمەسلىك كەلتۈرۈپ چىقارغان بولۇشى مۇمكىن. ھەرىكەت قىلىپ چېنىقىش، قېرىپ كېتىشنى ئاستىلىتىشنىڭ بىر قەدەر ئۈنۈملۈك ئۇسۇلى بولۇپ، ئەگەر بەدەننىڭ بالدۇرلا قېرىپ كېتىشكە باشلىشىدىن ساقلىنىمىز دېسەك، ئۇنداقتا ھەرىكەتلىنىپ چېنىقىشتا چىڭ تۇرىشىمىز لازىم.

پاسسىپ كەيپىيات كۆپ كۆرۈلۈش
   ھەمىشە پاسسىپ كەيپىياتلار كۆرۈلۈش، ئادەمنى بارغانسېرى سەتلەشتۈرىۋىتىشى مۇمكىن. كەيپىيات داۋالغۇشى چوڭ بولغان ئەھۋال ئاستىدا، ئادەمنىڭ ئىچكى ئاجرالمىلىرى قالايمىقانلىشىپ كېتىدىغان بولۇپ، بەدەن ئورگانىزىمىنىڭ قېرىپ كېتىشىنى تېزلەشتۈرىۋىتىدۇ. بۇندىن باشقا،  ئاياللارغا نىسبەتەن يەنە بەزىبىر ئاياللار كېسەللىكىنى كەلتۈرۈپ چىقىرىشى مۇمكىن.
يېمەك-ئىچمەك ئادىتى مۇۋاپىق بولماسلىق
   بىر قىسىم كىشىلەرنىڭ بارغانسېرى سەتلىشىپ كېتىشىدىكى سەۋەب ئاساسلىقى ئادەتتىكى نامۇۋاپىق يېمەك-ئىچمەك ئادىتى بىلەن مۇناسىۋەتلىك. ئەگەر دائىم يۇقىرى قەنت تەركىبلىك يېمەكلىكلەرنى ئىستېمال قىلغاندا، قاننىڭ قەنت مىقدارىنى ئۆرلىتىپ، بەدەننىڭ قېرىپ كېتىشىنى تېزلەشتۈرىدۇ. بۇندىن باشقا يۇقىرى ئېنېرگىيەلىك ئەخلەت يېمەكلىكلەرنى بەك كۆپ ئىستېمال قىلغاندىمۇ، ئادەم ئاسانلا سەمىرىپ قېلىپ، ئوخشاشلا ساغلاملىققا يامان تەسىر كۆرسىتىدۇ.