ھەممە ئۆينىڭ ئەھۋالى ئوخشىمايدىغان بولۇپ، ئوخشىمىغان ئائىلىدە ئوخشىمىغان زىددىيەتلەر مەۋجۇت بولىدۇ. بىتەرەپ قىلماق ئەڭ تەس بولغان قېيىنئانا-كىلىن مۇناسىۋىتىدە، كىلىن بولۇش سۈپىتىڭىز بىلەن، قېيىنئانىڭىزنىڭ گەرچە سىز بىلەن قانداشلىق مۇناسىۋىتى بولمىسىمۇ، ئەمما قېيىنئانىڭىز بىلەن بولغان مۇناسىۋەتتە، يەنىلا گەپ سۆزگە دىققەت قىلىشىڭىز كىرەك.

   قېيىنئانا-كىلىن مۇناسىۋىتىنى ياخشى ساقلاشتا، نۇرغۇنلىغان ۋاقىت ۋە زىھىن سەرپ قىلىشقا توغرا كىلىدىغان بولۇپ، ئاتا-ئانىڭىزغا بىرەر نەرسە سېتىۋالغاندا، قېيىنئانىڭىزغىمۇ ئازراق نەرسە كىرەك سېتىۋىلىشنى بىلىشىڭىز كىرەك، بولمىسا ئىرىڭىز بىلەن قېيىنئانىڭىزنىڭ كۆڭلى رەنجىپ  قالىدۇ. ئىرىڭىزنىڭ ئۆيىدىكى ئىشلارغا نىسبەتەن، ياردەم قىلىشقا تىگىشلىك بولغانلىرىغا، پۈتۈن كۈچىڭىز بىلەن ياردەم قىلىشىڭىز، ياردەم قىلىشقا تىگىشلىك بولمىغانلىرىغا، ھەرگىز ئارىلىشىپ قالماسلىقىڭىز كىرەك.

   ئالدى بىلەن، ئىرىڭىزنىڭ تۇققانلىرىنى يۆلىمىسىڭىزمۇ بولىدۇ؛ چۈنكى، بۇ سىزنىڭ مەجبۇرىيىتىڭىز ئەمەس. قائىدە بويىچە ئېلىپ ئېيتقاندا، قېيىنئاتا-قېيىنئانىڭىزنىڭ ئۆيىدىكىلەر قىيىنچىلىققا ئۇچرىسا ياردەم قىلىشىڭىز كىرەك، ئەمما بۇ خىل ياردەم پۇل ئۈستىگە قۇرۇلماسلىقى كىرەك. شۇڭلاشقا، بۇنىڭدا سىزنىڭ لايىقىدا ئىش كۆرىشىڭىز لازىم بولىدۇ.

   ئىككىنچىدىن، قېيىنئانا-قېيىنئاتامغا بولۇشتۇم دەپ قاراپ، ئىرىڭىزنىڭ بىر تۇققانلىرىنى ئەيىبلىسىڭىز بولمايدۇ. قېيىنئانىڭىز بىلەن قېيىنئاتىڭىز ئۆزىنىڭ پەرزەنتلىرى بىلەن مۇنازىرلىشىپ گەپ تالىشىپ قالسا، سىز ھەرگىز چوڭلارغا بولۇشۇپ ئىرىڭىزنىڭ بىر تۇققانلىرىنى ئەيىبلىسىڭىز بولمايدۇ، ئۇلارنى تىللاپ ھاقارەتلەشكە تېخىمۇ بولمايدۇ. چۈنكى بۇنىڭدا، قېيىنئانا-قېيىنئاتىڭىز سىزدىن ھەرگىز خوش بولمايدۇ؛ ئەكسىچە، بالامنى ھاقارەت قىلدى دەپ سىزدىن خاپا بولىدۇ.