مەلۇم ئاينىڭ مەلۇم بىر كۈنى، ناھايىتى قاتتىق يامغۇر يېغىپ كەتكەن بولۇپ، ئىشتىن چۈشكەن ئايال ئۆيىگە قايتىشقا ئامال قىلالماي، ئىرىگە تېلفون قىلىپ، ماشىنا ھەيدەپ كىلىپ ئۆزىنى ئېلىپ كىتىشىنى ئېيتىپتۇ. لىكىن، ئەر بۇنىڭغا ئىرەنشىمەستىن، بۇرۇن يا يامغۇر يېغىپ باقمىغان بولسا، بۇنچىلىك قىلىپ كەتكۈچىلىك نىمىسى بار، تاكسى توسۇپ كەلسىڭىزلا بولمىدىمۇ دەپ ئۇنىماپتۇ.
   ئەر مەيلى ھۇرۇنلۇق سەۋەبىدىن بولسۇن ياكى ئايالىنىڭ تەلىۋىنى ئاۋارىچىلىق كۆرگەن بولسۇن، ۋە ياكى ھەتتا ئايالىنىڭ ھەرخىل ئۇسۇلدا ئۆيگە قايتىپ كىلىش تەننەرخىنى ئويلاشقان بولسۇن، لىكىن ئۇلار، بۇ ۋاقىتتا ئايال كىشىنىڭ ئەڭ ئىھتىياجلىق بولغىنىنىڭ، ئەركىشى ئېلىپ كەلگەن ئىللىقلىق ئىكەنلىكىنى ئەسلا بىلمەيدۇ. شۇنداق قىلىپ، ئايال كىشى ئىرىنىڭ رەت قىلىشىغا قارىتا، ئارتۇق گەپ-سۆز قىلماستىن تېلفوننى قويىۋىتىپ داۋاملىق ھالدا ماشىنا ساقلايدۇ؛ بۇ ۋاقىتتا، يامغۇردا قېلىپ ھۆل بولۇپ كەتكىنى، ئۈستى بېشى ئەمەس بەلكى يۈرىكى ئىدى.

   مەيلى كۈچلۈك ئاياللار بولسۇن ياكى "ئەركەك زېدەك" ئاياللار بولسۇن، ئۇلار مەيلى قانچىلىك مۇستەقىل، قانچىلىك مۇنەۋۋەر بولۇشىدىن قەتئىنەزەر، كۆپىنچە ۋاقىتلاردا ئۇلارمۇ بىر ئەركىشىنىڭ يېنىدا ئۆزىگە تايانچ بولۇپ بىرىشىنى ئۈمىد قىلىدۇ. ئايال كىشىگە نىسبەتەن، ئىرى ئۇلارنىڭ ئۆمرىدىكى ئورنىغا ھېچنىمىنى تەڭ قىلغىلى بولمايدىغان بىر قىسمى بولۇپ ھىسابلىنىدۇ. ئۇنداقتا، ئايال كىشى قايسى ياش مەزگىلىدە ئىرىگە ئەڭ ئىھتىياجلىق بولىدۇ؟

   ئەمىلىيەتتە، ئايال كىشى توي قىلغاندىن كىيىن، مەيلى قايسى ياش مەزگىلىدە بولمىسۇن، ھەرقاچان ئىرىگە ئىھتىياجلىق بولىدۇ؛ تويدىن كىيىنكى ھەربىر مەزگىللەردىكى روھى ھالىتى ئوخشىمايدۇ خالاس.
   1. دەسلەپ باشلانغان ۋاقىتتا، مۇھەببەتكە قارىتا گۈزەل ئارزۇ-ئارمانلارغا تولغان بولۇپ، ئىرىنىڭ ئۆزىگە كۈيۈنىشىنى، يول قويىشىنى، كەڭ قوساق بولىشىنى ھەمدە ئۆزىنىڭ ئۇنىڭغا خالىغانچە ئەركىلىيەلىشىنى ئۈمىد قىلىدۇ.
   2. بالىسى بار بولغاندىن كىيىن، ئىرى بىلەن بىللە ياخشى ئاتا-ئانا رولىنى ئۆتەپ، ئانا بالىغا مۇلايىملىقنى، ئىنچىكىلىك ۋە ئەستايىدىللىقنى، ئاق كۆڭۈللۈكنى ئۆگىتىدۇ؛ دادا بولسا، مەسئۇلىيەت تۇيغۇسى بار بولۇش، جاسارەتلىك بولۇش دىگەنلەرنى ئۆگىتىدۇ.
   3. ئوتتۇرا ياش مەزگىلىگە يەتكەن ۋاقىتتا، ئىرى بىلەن بىرلىكتە ئىككى تەرەپنىڭ ئاتا-ئانىسىنىڭ ھالىدىن خەۋەر ئېلىش، بىرلىكتە بالىنىڭ ئۆگىنىش، ئىگىلىك، تويلىشىش قاتارلىق چوڭ ئىشلىرىغا قارىتا پىلانلاش ئېلىپ بارىدۇ.
   4. ياشانغان ۋاقىتتا، ئىرىگە تېخىمۇ مۇھتاج بولىدۇ. چۈنكى، بۇ ۋاقىتتا بالا چوڭ بولۇپ قاتارغا قوشۇلۇپ بولغان، ئۇنىڭ ئۆزىنىڭ ئىگىلىكى ۋە ئائىلىسى بار بولغاچقا، ئايال كىشىنىڭ يېنىدا، پەقەت ئىرىلا ھەمراھ بولۇپ قالىدۇ.
   ئەر-خوتۇن ئىككەيلەننىڭ قول تۇتۇشۇپ ياشلىقتىن ياشانغۇچە بىللە ئۆتىشىدىن باشقا بەخىتلىك ئىش بولمىسا كېرەك.