بالىلار تۇغۇلغاندىن كېيىن، ئانا سۈتى ياكى سۈت پاراشوكى، ئۇلارنىڭ بىردىنبىر ئۇزۇقلۇق مەنبەسىگە ئايلىنىدۇ. دەسلەپكى نەچچە ئايدا، بوۋاقنىڭ ئاشقازان سىغىمى كىچىك بولغانلىق سەۋەبىدىن، شۇڭا ئۇلارغا ئاز مىقداردا كۆپ قېتىم ئىمىتىش پىرىنسىپىنى قوللىنىمىز، بۇ سەۋەبلىك كېچىسى ئىمىتىدىغان ئادەت شەكىللىنىدۇ.
   لېكىن، كېچىسى سۈت ئىمىشنى بەلگىلىك ياشقا كىرگەندىن كېيىن تاشلاش لازىم؛ بولمىغاندا، بوۋاقنىڭ ئۆسۈپ-يېتىلىشىگە تەسىر يېتىدۇ.

بوۋاق قايسى ۋاقىتتىن باشلاپ كىچىسى ئىمىشنى تاشلاش لازىم؟
   يېڭى تۇغۇلغان بوۋاقنىڭ كىچىسى كۆپ ئىمىشى نورمال ئىش، ئىككى ئۈچ ئايلىق بولغان ۋاقىتتا بولسا، كىچىسى ئىمىش قېتىم سانى تەدرىجىي ئازلايدۇ؛ 6-4 ئايلىق بولغان ۋاقىتتا بولسا، بوۋاقنىڭ كىچىسى ئىمىش ئادىتىنى ئۆزگەرتىشكە تەييارلىق كۆرۈش لازىم. ئادەتتە بوۋاقنىڭ كىچىسى ئىمىش ئادىتىنى تاشلىشىغا ئىككى ئايدىن ئارتۇق ۋاقىت كېتىدۇ. ئەگەر بوۋاق 9ئايلىق بولغاندىن كېيىنمۇ كىچىسى ئىمىشنى تاشلىمىسا، بۇنىڭ بوۋاققا بولغان يامان تەسىرى ئىنتايىن چوڭ.

كىچىسى ئىمىشنى تاشلىماسلىقنىڭ زىيانلىق تەرەپلىرى
   بوۋاقنىڭ ئۆسۈپ-يېتىلىشىنى چەكلەپ قويىدۇ. بوۋاق كىچىسى سۈت ئەمسە، ئۇلارنىڭ ئاشقازىنىنىڭ يۈكى ئېغىرلاپ كېتىدۇ، ئۇنىڭ ئۈستىگە كىچىسى ئويغانغانلىق سەۋەبلىك ئۇيقۇ سۈپىتىگە تەسىر يىتىپ، بۇ سەۋەبلىك ئۆسۈش ھورمۇنىنىڭ ئاجرىلىشى توسالغۇغا ئۇچرايدۇ؛ يۇقىرىدىكى ھەر خىل ئامىللارنىڭ ئونۋىرسال تەسىر كۆرسىتىشى ئاستىدا، بوۋاقنىڭ ئۆسۈپ-يېتىلىشى چەكلىمىگە ئۇچرايدۇ.
   بوۋاقنىڭ چىش ساغلاملىقىغا تەسىر يەتكۈزىدۇ. ئادەتتىكى ئەھۋالدا، بوۋاق 8ئايلىق بولغان ۋاقىتتىن باشلاپ چىشى چىقىشقا باشلايدۇ، ئەگەر بۇ ۋاقىتتا يەنە كىچىسى ئىمىدىغان ئادىتى بار بولسا، بالىدا بىنورمال چىش چىقىپ قېلىش ھادىسىسىنى كەلتۈرۈپ چىقىرىپ، بوۋاقنىڭ چىشىغا ۋە ئېغىز بوشلۇقىغا زىيانلىق تەسىر ئېلىپ كېلىدۇ.

  چالا ئۇيقۇدا سۈت ئىمىتىشنىڭ خەتىرى بار.  كىچىسى سۈت ئىمىتكەن ۋاقىتتا، بوۋاق ۋە ئانا ھەر ئىككىسى چالا ئۇيقۇ ھالىتىدە تۇرغان بولۇشى مۇمكىن؛ بۇ ۋاقىتتا ئەگەر بوۋاق سۈت ئىمىش جەريانىدا توقۇپ كەتسە ياكى سۈت تۇرۇپ قالسا ھەمدە ئانا ۋاقتىدا بايقىيالماي قالسا، ئادەم تەسەۋۋرۇ قىلغۇسىز ئاقىۋەتلەرنى ئېلىپ كېلىدۇ.