سىز دىققەت قىلدىڭىزمۇ يوق، ھازىر قوشكىزەك تۇغۇدىغانلار بارغانسېرى كۆپىيىپ كەتتى؛ ناگاندا بىر كوچا ئايلىنىشقا چىقىپ قالسىڭىز، كوچىدا ئوخشاش جۈپتەك كىيىم كىيىپ كىتىپ بارغان قوشكىزەك ئوماقلارنى ئۇچرىتالايسىز.
   قوشكىزەك تۇغۇدىغانلارنىڭ بۇنداق كۆپىيىپ كىتىشى، ئەمەلىيەتتە ھازىرقى پىروبىركىدا ھامىيلە يىتىلدۈرۈشنىڭ ئومۇملىشىشى بىلەن مۇناسىۋەتلىك بولۇپ، پىروبىركىدا ھامىيلە يېتىلدۈرگەندە، قوشكىزەك، ھەتتا كۆپكىزەك تۇغۇش ئېھتىماللىقى تېخىمۇ يۇقىرى بولىدۇ. بۇندىن باشقا، تۆۋەندىكى نەچچە خىل ھامىلدار ئاياللارنىڭمۇ، قوشكىزەك تۇغۇش ئېھتىماللىقى يۇقىرى بولىدۇ.

جەمەتىدە قوشكىزەك تۇغۇش تارىخى بار بولغانلار
   قوشكىزەك تۇغۇشتىمۇ ئىرسىيەت ئامىلىنىڭ تەسىرى بار بولۇپ، ئەگەر ئەر-خوتۇن ئىككى تەرەپ جەمەتىدە، بولۇپمۇ ئايال كىشى جەمەتىدە قوشكىزەك تۇغۇش تارىخى بار بولسا، ئۇنداقتا ئۇلارنىڭ قوشكىزەك تۇغۇش ئېھتىماللىقى زور دەرىجىدە يۇقىرى كۆتۈرىلىدۇ. بىراق، بۇ چوقۇم قوشكىزەك تۇغىدۇ دېگەنلىك ئەمەس، بەلكى باشقىلارغا قارىغاندا ئېھتىماللىقى تېخىمۇ يۇقىرى بولىدۇ.

تۇخۇم ئىشلەپچىقىرىشنى ئىلگىرى سۈرۈش دورىسى ئىچكەن ئاياللار
   ئاياللار ھامىلدارلىققا تەييارلىق كۆرۈش مەزگىلىدە، بەدىنىدە بەزىبىر كېسەللىك ئامىللىرى ساقلانغانلىق سەۋەبىدىن، تۇخۇم ئىشلەپچىقىرىشىنى ئىلگىرى سۈرۈش دورىسى ئىچىشكە ئېھتىياجلىق بولىدۇ. ئەگەر بۇ خىل دورىنى ئۇزۇن مەزگىل ئىچسە، ھامىلدار ئايالدا تۇخۇم ئىشلەپچىقىرىش بىنورمال بولۇشنى كەلتۈرۈپ چىقىرىپ، ئىككى تۇخۇم، ھەتتا تېخىمۇ كۆپ ساندىكى تۇخۇم ئىشلەپچىقىرىش مۇمكىنچىلىكىنى پەيدا قىلىدۇ؛ بۇنداق ئەھۋالدا، قوشكىزەك بالىغا ھامىلدار بولۇش ئېھتىماللىقى تېخىمۇ يۇقىرى بولىدۇ.

ئايال كىشىنىڭ ياش مەزگىلى
   تەتقىقاتلاردا كۆرسىتىلىشىچە، ئايال كىشىنىڭ يېشى قانچە چوڭ بولسا، قوشكىزەك تۇغۇش ئېھتىماللىقى شۇنچە يۇقىرى بولىدىكەن؛ تۇغقان قېتىم سانى قانچە كۆپ بولسىمۇ، قوشكىزەك تۇغۇش ئېھتىماللىقى يۇقىرى كۆتۈرۈلىدىكەن.