كۈدە، مەيلى قانداق پەسىل بولمىسۇن، كۆكتات بازىرىدا ئاسانلا كۆزگە چېلىقىدىغان كۆكتاتلارنىڭ بىرىدۇر. كۈدە جۇۋاۋىسى، كۈدە قاتلىمىسى، كۈدە كۆمىچى...كۈدىنىڭ گەرچە پۇرىقى نىسبەتەن كۈچلۈك بولسىمۇ، ئەمما كىشىلەرنىڭ ياقتۇرۇپ ئىستېمال قىلىشىنى يەنىلا توسۇپ قالالمايدۇ.

   لېكىن، ھامىلدار ئايال كۈدە يىسە بولامدۇ؟
   شۇنداق، يىسە بولىدۇ.
   چۈنكى ئۇ، ئۇزۇقلۇق ئامبىرى. ئاقسىل، ياغ، كاربون سۇ بىرىكمىلىرى، كالتسىي، كاروتىن، ۋىتامىن C قاتارلىقلارنىڭ ھەممىسى تەل بولۇۇپ، ھامىلدار ئايالغا ئۇزۇقلۇق يەتكۈزۈشكە ۋە ھامىيلىنىڭ ئۆسۈپ-يېتىلىشىگە ئىنتايىن پايدىلىق.
   كۈدە تەركىبىدىكى تالا ماددىلىرى ھەزىم قىلىشنى ئىلگىرى سۈرىدىغان بولۇپ، راك كېسەللىكى كەلتۈرۈپ چىقارغۇچى ماددىلار ۋە زەھەرلىك ماددىلارنىڭ بەدەن سىرتىغا چىقىرىۋېتىلىشىگە پايدىلىق بولىدۇ ھەم قەۋزىيەتنى ياخشىلايدۇ؛ شۇڭا، ھامىلدارلىق مەزگىلىدە كۈدە ئىستېمال قىلىشنىڭ بەلگىلىك پايدىسى بار.
   بىراق، كۈدىنىڭ بالىياتقۇنى غىدىقلاش، بالىياتقۇنىڭ يېغىلىپ تارىيىشىنى كۈچەيتىش رولى بار؛ شۇڭا ھامىلدار ئاياللار كۈدە ئىستېمال قىلغاندا، مۇۋاپىق بولۇشقا دىققەت قىلىش كېرەك، بىراقلا كۆپ يەۋىلىشقا بولمايدۇ.
   بۇندىن باشقا، بالا ئىمىتىش مەزگىلىدە كۈدە يىيىشكە بولمايدۇ؛ چۈنكى، بالا ئىمىتىش مەزگىلىدە، ئانا يىگەن يېمەكلىكنىڭ ھەممىسى سۈتكە بارىدۇ. بۇنىڭدا، كۈدىنىڭ تەمى ئاچچىقراق بولغانلىق سەۋەبىدىن، بالىغا قارىتا تازا ياخشى بولمايدۇ؛ ئۇنىڭ ئۈستىگە، كۈدە سۈت ئاجرىلىپ چىقىشقا توسقۇنلۇق قىلىدۇ. شۇنىڭ ئۈچۈن، بالا ئىمىتىش مەزگىلىدە كۈدە يىيىشكە بولمايدۇ.

   ھامىلدار ئاياللار كۈدە ئىستېمال قىلغاندا نېمىلەرگە دىققەت قىلىش كېرەك؟
   1. كۈدىنى پىشۇرۇشتىن ئاۋۋال، پاكىزە يۇيۇش لازىم؛ بولۇپمۇ ئاسانلا دېھقانچىلىق دورىلى قالدۇقلىرى قالىدىغان يىلتىز قىسمىنى، قولايلىق شارائىت بولسا چوقۇم تۇز سۈيىگە چىلاپ يۇيۇش كېرەك.
   2. كۈدىنى خام يىيىشكە بولمايدۇ. كۈدىنى ئاسان ھەزىم بولمايدىغان كۆكتات بولۇپ، خام يىسەك ئاشقازان ئۈچەيگە تەسىر كۆرسىتىدۇ؛ ئۇنىڭ ئۈستىگە ھامىلدارلىق مەزگىلىدە خام يېمەكلىك ئىستېمال قىلىشقا بولمايدۇ، بولمىغاندا مىكرو جانلىقلار ياكى پارازىنت قۇرتلارنىڭ ياللۇغ كەلتۈرۈپ چىقىرىشىغا ئۇچرايمىز.
   3. كۈدىنى ھەددىن ئارتۇق يۇقىرى قىزىتىپ پىشۇرۇشقا بولمايدۇ، بولمىغاندا تەركىبىدىكى ۋىتامىنB بۇزۇغۇنچىلىققا ئۇچرايدۇ.
   4. كۈدىنى، كالا گۆشى، ھەسەل، گۈرۈچ ئاچچىقسۈيى، ئاق ھاراق، كالا سۈتى قاتارلىقلار بىلەن بىرگە ئىستېمال قىلىشقا بولمايدۇ.