ھامىلدار بولۇشتىن ئىبارەت بۇ ئىش، بەزىدە تەلەيگىمۇ باغلىق بولۇپ، ھېچقانداق ئىشنى مۇتلەقلەشتۈرۈپ ئېيتقىلى بولمايدۇ؛ بەزىدە تۇيۇقسىزلا ھامىلدار بولۇپ قالىسىز، يەنە بەزىدە ھەرقانچە تىرىشسىڭىزمۇ ھامىلدار بولالمايسىز. تۇرمۇشىمىزدا بۇنداق مىساللار بەك كۆپ بولۇپ، ھەر خىل قىيىن ئۆتكەللەرنى بېسىپ ئۆتكەندىن كىيىنمۇ يەنىلا ھامىلدار بولالمايدىغان ئەھۋاللار كۆپ ئۇچرايدۇ.
   ھامىلدار بولۇش، ئۇنداق ئاددى ئەمەس. بەزىدە، نۇرغۇنلىغان شارائىتلارنى بىرلا ۋاقىتتا قانائەتلەندۈرگەندە ئاندىن رىئاللىققا ئايلىنىدۇ؛ مەسىلەن، سىپىرما بىلەن تۇخۇم مۇۋەپپىقىيەتلىك ھالدا بىرىكىشى، ئۇرۇقلانغان تۇخۇم تۇخۇم توشۇش نەيچىسىنى بويلاپ بالىياتقۇغا كىلىشى ھەمدە مۇۋەپپىقىيەتلىك ھالدا بالىياتقۇغا چۈشۈپ ئورۇنلىشىشى كېرەك. تەسەۋۋۇرقىلماق تەسمىكەن؟ سىز بەلكىم بالىنىڭ سىزنىڭ بەدىنىڭىزدە دەسلەپكى قەدەمدە شەكىللىنىپ بولغانلىقىنى، ئۇنىڭ ئۈستىگە شۇنچىۋالا جەريانلارنى باشتىن كەچۈرۈپ بولغانلىقىنى ھىس قىلىپ يىتەلمەسلىكىڭىز مۇمكىن.

   ئۇرۇقلانغان تۇخۇمنىڭ بالىياتقۇغا ئورۇنلىشىشىغا قانچە كۈن كىتىدۇ؟
   ئۇرۇقلانغان تۇخۇم، تۇخۇم تۇشۇش نەيچىسى ئاجرىتىپ چىقارغان سۇيۇقلۇقتىن ئۇزۇقلۇق ۋە ئوكسېگىن قوبۇل قىلىپ، ئۆزلۈكسىز تۈردە ھۈجەيرە بۆلۈنۈش ئېلىپ بارىدۇ. بۇنىڭ بىلەن بىر ۋاقىتتا، ئۇرۇقلانغان تۇخۇم تەدرىجى ھالدا بالىياتقۇ بوشلۇقى تەرەپكە يۆتكىلىپ، 4-3كۈندىن كىيىن بالىياتقۇ بوشلۇقىغا يىتىپ كەلگەن ۋاقىتتا، ئاللىبۇرۇنلا كۆپ ھۈجەيرىلىك ھەقىقى تەنگە ئايلىنىپ بولغان بولىدۇ؛ بۇ ۋاقىتتىكى شەكلى ئۈجمىگە ئوخشايدىغان بولغاچقا، ئادەتتە ئۈجمە تۆرەلمە دەپ ئاتىلىدۇ. ئۈجمە تۆرەلمە بالىياتقۇ بوشلۇقىدا ئۆزلۈكسىز تۈردە ھۈجەيرە بۆلۈنۈش ئېلىپ بېرىپ، تۆرەلمە پۈۋەكچىسىنى شەكىللەندۈرىدۇ. ئۇرۇقلىنىپ تەخمىنەن 8-6كۈندىن كىيىن، بالىياتقۇ ئىچكى پەردىسىگە كىرىدۇ؛ ئادەتتە بۇ جەريان بالىياتقۇغا ئورۇنلىشىش دەپ ئاتىلىدۇ.

   ھامىلدار بولغاندا، ئايال كىشى گەرچە ئۆزى ئىتتىكلا ھىس قىلىپ يىتەلمىسىمۇ، ئەمما بەدەندە يەنىلا بەزىبىر شەكىللەردە ئىپادىلىنىپ چىقىدۇ.
كۆكسى يۇمشاپ كىتىدۇ
   ئاياللاردا ھامىلدار بولۇش ئالامەتلىرى كۆرۈلگەندىن كىيىن، ئۇلارنىڭ بەدىنى زور مىقداردا ھورمۇن ۋە گورمۇن ئاجرىتىپ چىقىرىدىغان بولغاچقا، بۇ ۋاقىتتا ئايال كىشىنىڭ كۆكسىدە سانجىلىپ ئاغىرش كۆرىلىدۇ ھەمدە تېخىمۇ يۇمشاق بولۇپ كىتىدۇ. بىراق، ھامىلدارلىق ھەپتىسىنىڭ ئۆزلۈكسىز ئېشىشىغا ئەگىشىپ، ئايال كىشىنىڭ بەدىنى بۇ خىل ھورمۇن ئۆزگىرىشىگە ماسلاشقاندىن كىيىن، كۆكسىدىكى بىئاراملىق تۇيغۇسى يوقىلىدۇ.

چارچاش ھىس قىلىش
   ئايال كىشى ھامىلدار بولغاندىن كىيىن، ئۇلارنىڭ پۈتكۈل ئىچكى ئاجرالما سېستىمىسىدا ئۆزگىرىش كۆرۈلۈپ، بەدىنىدە زور مىقداردا كىنانتولون ئاجىرىلىپ چىقىدۇ؛ ئۇنىڭ ئۈستىگە، ھامىلدار بولغاندىن كىيىن، ئايال كىشىنىڭ ھەرقايسى ئەزالىرى بوۋاق ئۈچۈن تەييارلىق كۆرۈشكە باشلايدۇ. بۇنداق ئەھۋالدا، ئايال كىشىنىڭ بەدىنىدە سەرپ بولىدىغان ئىنىرگىيە تەبىئىيلە كۆپىيىپ كىتىدۇ، شۇڭا ئۇلاردا ھارغىنلىق تۇيغۇسى كۆرىلىدۇ.