ئادەتتە بالىلار يول مېڭىشنى ئۆگەنگەندىن كىيىن، ئاتا-ئانىسى ئۇنىڭ ئۆزىنىڭ مېڭىشىغا قويۇپ بىرىدۇ؛ چۈنكى يول مېڭىشنى ئۆگىنىپ بولغان بالىلار ئاساسەن ئىككى ياشلارغا يېقىنلىشىپ قالغان بولۇپ، بەدەن ئېغىرلىقىمۇ بىرقەدەر ئېغىر كىلىدۇ، شۇڭا ئاتا-ئانىلار ئۇلارنى قۇچىقىدا كۆتۈرۋالغاندا ئاسانلا ھېرىپ قالىدۇ؛ ئۇنىڭ ئۈستىگە، بالىلار ئۆزى مېڭىپ بەرسە، ئۇلارنىڭ سۆڭىكىنىڭ يىتىلىشىنى ئىلگىرى سۈرۈشكە پايدىلىق بولىدۇ. بىراق، ئاتا-ئانىلار شۇنىڭغا دىققەت قىلىش كىرەككى، تۆۋەندىكى بىر نەچچە خىل سورۇنلاردا، ھەرقانچە ھېرىپ قالسىمۇ، بالىسىنى قۇچىقىدا كۆتۈرۋىلىش كىرەك؛ بولمىغاندا، ئاسانلا خەتەرلىك ئەھۋال كىلىپ چىقىشى مۇمكىن.

ئاپتۇماتىك لىفىتقا ئولتۇرغان ۋاقىتتا
    ئۈچ ياشتىن تۆۋەن بالىلارنىڭ خەتەرنى تۇنۇش ۋە ئايرىش ئىقتىدارى بولمايدۇ، ئۇنىڭ ئۈستىگە، ئاپتۇماتىك لىفىت، تۇرمۇشىمىزدىكى ئەڭ كۆپ ئۇچرايدىغان خەتەرلىك ئۈسكىنىلەرنىڭ بىرى، شۇڭا چوقۇم بىخەتەرلىككە دىققەت قىلماق كىرەك. كىچىك بالا ئەسلىدىنلا ئاپتۇماتىك لىفىتقا قانداق ئولتۇرۇشنى بىلمەيدۇ، ئۇنى بۇنى تۇتۇشقا ئامراق كىلىدۇ ھەم جىم تۇرمايدۇ. شۇنىڭ ئۈچۈن، ئاپتۇماتىك لىفىتقا ئولتۇرغاندا خەتەرلىك ئەھۋاللارنىڭ كۆرۈلىشىدىن ساقلىنىش ئۈچۈن، ئۈچ ياشتىن تۆۋەن بالىلارنى ئاتا-ئانىسى چوقۇم قۇچىقىدا كۆتۈرۋىلىشى كىرەك.

ئادەم كۆپ سورۇنلاردا
    ئادەم كۆپ سورۇنلار، بالىلارغا نىسبەتەن ئېلىپ ئېيتقاندا، خەتەر كۆپ يۈز بىرىدىغان رايون ھىسابلىنىدۇ؛ مەسىلەن، سودا ساراي، چوڭ تىپتىكى تاللا بازىرى قاتارلىقلار. چوڭ تىپتىكى سودا ساراي ۋە تاللا بازارلىرىدا كىشىلەر ئېقىمى بىرقەدەر كۆپ؛ ئۇنىڭ ئۈستىگە مال جاھازىلىرىمۇ بىرقەدەر كۆپ بولغاچقا، بويى نىسبەتەن كىچىك ھەمدە نىسبەتەن شوخراق كەلگەن بالىلار يۈگرەپ ئويناپ، ئاسانلا سوقۇلۇپ كىتىپ يارىلىنىدىغان ئەھۋال كىلىپ چىقىشى مۇمكىن. يەنە بىر تەرەپتىن ئېلىپ ئېيتقاندا، بۇنداق سورۇنلار، بالا ئوغرىلايدىغان قانۇنسىز ئۇنسۇرلارنىڭ جىنايەت سادىر قىلىشتىكى ئالدىن تاللايدىغان ئورۇنلار بولۇپ، ئەگەر بالا ئاتا-ئانىسىدىن يېراقلاپ كەتكەندە، يامان ئاقىۋەت ئېلىپ كىلىشى مۇمكىن. شۇڭا بۇنداق سورۇنلاردا ئەڭ ياخشىسى بالىڭىزنى كۆتۈرۋالغىنىڭىز ياخشى.