بوغا گۆشى ئەلا سۈپەتلىك يىمەكلىك بولۇپ، يۇمران ھەم تەملىك، مېيى ئاز كىلىدۇ ھەمدە كۆپ خىل قورىمىلارغا ۋە پىشىرۇش ئۇسۇللىرىغا ماس كىلىدۇ. بوغا گۆشىنىڭ تەركىبىدە ئاقسىل، ياغ، ئانورگانىك تۇز، ساخارىد تۈرى قاتارلىقلار نىسبەتەن مول، ئۇنىڭ ئۈستىگە ئادەم بەدىنى تەرپىدىن ھەزىم قىلىپ سۈمۈرلۈشى نىسبەتەن ئوڭاي بولىدۇ.
خەنزۇچە ئاتىلىشى: 鹿肉
ئىنگىلىزچە ئاتىلىشى:  venison

ئۇزۇقلۇق قىممىتى
    بوغا گۆشىنىڭ تەبىئىتى مۆتىدىل بولۇپ، ماغدۇر قۇۋۋەت تۇلۇقلاش، بۆرەككە ئىسسىقلىق يەتكۈزۈپ باھنى كۈچەيتىش ئۈنۈمى بار. جۇڭگو ئەنئەنىۋى تىبابىتىنىڭ قارىشىچە، بوغا گۆشىنىڭ بۆرەكنى قۇۋۋەتلەش ئۈنۈمى بارلىق گۆش تۈرىدىكى يىمەكلىكلەرنىڭ ئىچىدە بىرىنچى ئورۇندا تۇرىدىكەن؛ بۇ سەۋەپلىك يىڭى توي قىلغان ئەر-خوتۇنلار ۋە بۆرەك ئىقتىدارى ئاجىزلىشىپ كەتكەن ياشانغانلارغا نىسبەتەن، بوغا گۆشى ئەڭ ياخشى قۇۋۋەت يىمەكلىكى بولۇپ ھىسابلىنىدىكەن.
   بوغا گۆشى يۇقىرى ئاقسىللىق، تۆۋەن ياغ تەركىبلىك ۋە تەركىبىدىكى خولىستىرىننىڭ مىقدارى تۆۋەن بولۇش قاتارلىق ئالاھىدىلىكلەرگە ئىگە بولۇپ، ئادەم بەدىنىنىڭ قان ئايلىنىش سېستىمىسى ۋە نىرۋا سېستىمىسىغا قارىتا ئىنتايىن ياخشى بولغان تەڭشەش رولى بار.
    يۇقارقىلاردىن باشقا يەنە، پۇت قوللىرى داۋاملىق مۇزلايدىغان كىشىلەرگە قارىتا، بوغا گۆشى كۆرنەرلىك دەرىجىدە پايدىلىق رول ئوينايدىكەن.