بۈگۈن كۆپچىلىكنىڭ دىققىتىگە تۇنۇشتۇرىغىنىمىز، قوي گۆشىدىن تەييارلانغان قۇۋۇرغا كاۋاپ بولۇپ، بۇ تائامنى تەييارلاش ئاسان، ئەمما ئۆزى تەملىك بولۇپ، پىشۇرۇش جەريانىدا دىققەت بىلەن تۇرمىسىڭىز، شۆلگىيىڭىز كاۋاپقا ئېقىپ كىتىدۇ!!!

كىتەرلىك ماتىريال:
    قوي قۇۋۇرغا گۆشى، زەنجىۋىل، يۇمغاقسۈت، سوقۇلغان قىزىلمۇچ (ئۆزىڭىزنىڭ ياخشى كۆرىشىگە قاراپ قوشسىڭىز بولىدۇ)
تېتىتقۇ خۇرۇچلىرى:
    يىمەكلىك مېيى، كاۋاۋىچىن، تۇز، زىرە

 

تەييارلاش ئۇسۇلى
 

قۇۋۇرغا گۆشنى يۇقىرى بېسىملىق قازانغا سالىمىز.

ئۈستىگە زەنجىۋىل، كاۋاۋىچىن قوشىمىز.

ئۈچ قۇشۇق تۇز قوشىمىز.

ماتىريال چۆكۈشكىدەك سۇ قۇيىمىز.

قازاننىڭ ئېغىزىنى يېپىپ، توكلۇق يۇقىرى بېسىملىق قازاندا 30مىنۇت، ئادەتتىكى يۇقىرى بېسىملىق قازان بولسا 20 مىنۇت قايناتساق بولىدۇ.

    گۆش پىشقاندىن كىيىن، گۆشنى سۈزىۋالىمىز؛ شورپىسىنى بولسا ئۆزىڭىزنىڭ ياقتۇرۇشىغا ئاساسەن ئاز-تولا تەڭشەپ، بىۋاستە ئىستىمال قىلسىڭىز بولىدۇ.

گۆشنى ئازراق سۇۋۇتقاندىن كىيىن، يۈز قىسمىغا ئۈچ قوشۇق تۇزنى تەكشى سېپىمىز.

زىرە ۋە سوقۇلغان قىزىلمۇچ قوشۇپ، قولىمىزدا گۆشنىڭ يۈزىگە تەكشى يېيىلتىمىز.


بۇ ھالەتتە بىر سائەت قويۇپ تۇزلايمىز.

بىر سائەت قويۇپ قويغاندىن كىيىن، گۆشنىڭ سىرتقى يۈزىگە بىر قەۋەت يىمەكلىك مېيى سۈرۈيمىز.

دوخوپكا تەخسىسىگە قويىمىز.

ئۈستىگە بىر قەۋەت قوغۇشۇن قەغىزى (锡箔纸) ياپىمىز.

ئالدىن قىزىتىپ تەييارلانغان دوخوپكىغا سېلىپ، ئاستى ئۈستى 200 گىرادوسلۇق ئوتتا 20 مىنۇت قاقلاپ پىشۇرۇمىز.

 قوغۇشۇن قەغىزى يېپىپ قويۇشتىكى سەۋەپ، سۇ تەركىبىنىڭ خوراپ كىتىشىنىڭ ئالدىنى ئېلىش ئۈچۈندۇر.

-Step 4-
20 مىنۇتتىن كىيىن، گۆشنى ئېلىپ ئۈستىدىكى قوغۇشۇن قەغىزىنى ئېلىۋىتىپ. داۋاملىق 200گىرادوسلۇق ئوتتا يەنە 10 مىنۇت پىشۇرىمىز.

سىرتقى يۈزى رەڭگى ئۆزگىرىپ، پۇراقلىرى تارقالغۇچە قويىمىز.