بۈگۈن تۇنۇشتۇرماقچى بولغان قۇۋۋەت تۇلۇقلاش قارا توخۇ شورپىسى، ئادەمگە قۇۋۋەت ۋە ماغدۇر تۇلۇقلايدىغان بولۇپ، تېنى ئاجىز، جىگەر ۋە بۆرەك ئىقتىدارى ئاجىز، تۇغۇتلۇق ئايال ۋە ئوپراتسىيىدىن كىيىن ئەسلىگە كىلىۋاتقان كىشىلەر توپىنىڭ ئىستىمال قىلىشىغا ناھايىتى ماس كىلىدۇ.

كىتەرلىك ماتىريال:
     قارا توخۇ، زەنجىۋىل، چىلان
تېتىتقۇ خۇرۇچلىرى:
     تۇز، تېتىتقۇ ھارىقى، قان تىپەر (党参)، كەتىراچىنى(黄芪)، داڭگۈي، ئالقات

تەييارلاش ئۇسۇلى
 

ئاۋال بىر قازان سۇ قاينىتىپ، زەنجىۋىل ۋە بىر قوشۇق تېتىتقۇ ھارىقى قوشىمىز.

توغراپ تەييارلىغان قارا توخۇ گۆشىنى قازانغا سېلىپ قاينىتىۋالىمىز.

بىر مىنۇت قايناتقاندىن كىيىن، موزىلىرىنى قايرىۋىتىپ قارا توخۇ گۆشىنى سۈزىۋىلىپ ئىشلىتىش ئۈچۈن قويۇپ قويىمىز.

قۇم قازىنى تەييار قىلىپ، قاينىتىپ ئالغان قارا توخۇ گۆشىنى سالىمىز.

چىلان، قان تىپەر، كەتىراچىنى ۋە داڭگۈيلارنى سالىمىز.

ئاخىرىدا كۆپرەك سۇ قوشىمىز.

چوڭ ئوتتا قاينىتىۋالغاندىن كىيىن، ئوتتۇرا ھال ئوتقا ئالماشتۇرۇپ، تۇۋاقنى يېپىپ 2 سائەتتىن ئارتۇق قاينىتىمىز.

قارا توخۇ گۆشى پىشقاندىن كىيىن، ئازراق ئالقات ۋە ئۈچ قۇشۇق تۇز قۇيىمىز.

كەينىدىن يەنە 10 مىنۇت ئەتراپىدا قايناتساقلا بولىدۇ.