ئاساسلىق ماتىريالى: ئوتخور بېلىق بىر دانە، تۇخۇم

   تەم خۇرۇچلىرى: سۇيېغى، تۇز، قارىمۇچ، زەنجىۋىل، كاۋاۋىچىن، قاقمۇچ، سامساق، غولپىياز، ئاق قارا كۇنجۇت، قىزىلمۇچ قىيامى، توخۇ تەم جەۋھىرى، ئاق شېكەر، كىراخمال،

 تەييارلاش ئۇسۇلى
   1. بېلېقنى پاكىز يۇيۇپ، قىلتىرىقىنى شىلىپ ئېلىۋەتكەندىن كېيىن، يالپاقلاپ توغرىۋالىمىز؛ باشقا ماتىرياللارنىمۇ رەسىمدە كورسىتىلگەن ئۇسۇل بۇيىچە توغرىۋالىمىز.

   2. توغراپ تەييارلىغان بېلىقنى گۆشىنى قاچىغا سېلىپ، ئازراق تۇز قوشقاندىن كېيىن سۇ قۇيۇپ، بېلىقنىڭ قېنىنى چىقىرىمىز.
   3. بېلىق گۆشىنى سۈزۈپ ئالغاندىن كېيىن، قاچىنىڭ سۈيىنى تۆكۈۋىتىپ، بېلىق گۆشىنى قايتىدىن قاچىغا سېلىپ، ئۈستىگە تۇخۇمدىن بىرنى چاقىمىز ۋە تۇز، تېتىتقۇ، توخۇ تەم جەۋھىرى، كاۋاۋىچىن تالقىنى، ھۆل كىراخمال قاتارلىقلارنى قوشۇپ تەكشى ئارىلاشتۇرىمىز.
   4. قازاننى قايتىدىن ئېسىپ ماي قۇيۇپ قىزىتىمىز؛ تەرتىپ بويىچە غولپىياز، قاقمۇچ، قىزىلمۇچ قىيامى قاتارلىقلارنى سېلىپ قورۇپ تەم چىقارغاندىن كېيىن، مۇۋاپىق مىقداردا سۇ قۇيىمىز.
   5. بېلىق گۆشىنى  قازانغا سېلىپ، قازان قاينىغاندىن كېيىن تۇز، تېتىتقۇ، توخۇم تەم جەۋھىرى، كاۋاۋىچىن تالقىنى قاتارلىقلارنى قوشۇپ ئارىلاشتۇرغاندىن كېيىن، سۈيى بىلەن قوشۇپ چىنىگە ئۇسسۇپ ئالىمىز.
   6. ئاخىرىدا ئۈستىگە كاۋاۋىچىن، سامساق، قاقمۇچ قاتارلىقلارنى قوشقاندىن كېيىن، ئازراق ماينى قىزىتىپ ئۈستىگە قۇيۇۋەتسەكلا، بۈگۈنكى چۈچۈمەل ئاچچىق تەملىك بېلىق شورپىسى تەييار بولغان بولىدۇ.

   ئالاھىدىلىكى: تەمى ئوزگىچە بۇلۇپ ئاچچىق چۇچۇك ،يىيىشلىك شەكلى كوركەم ،ئوزۇقلۇق قىممىتى يۇقىرى .